ന്യൂഡല്‍ഹി: മഹാവിഷ്ണുവായി ഇന്ത്യന്‍ ക്രിക്കറ്റ് ടീം ക്യാപ്റ്റന്‍ മഹോന്ദ്ര സിംഗ് ധോണി പ്രത്യക്ഷപ്പെട്ടത് കേസായതിന് പിന്നലെ വിഷ്ണു വേഷത്തില്‍ ആമസോണ്‍ തലവന്‍. അന്താരാഷ്ട്ര ബിസിനസ് മാഗസിനായ ഫോര്‍ച്യൂണിന്റെ ജനുവരി ലക്കത്തിന്റെ മുഖചിത്രമായാണ് ആമസോണ്‍ തലവന്‍ പി. ബെസോസിനെ മഹാവിഷ്ണുവായി ചിത്രീകരിച്ചിരിക്കുന്നത്.
ഇതിനെതിരെ പ്രതിഷേധവുമായി ഹൈന്ദവ സംഘടനകള്‍ രംഗത്തു വന്നിട്ടുണ്ട്. ആമസോണിന്റെ ഇന്ത്യന്‍ വിപണിയിലെ സാധ്യതകള്‍ അവലോകനം ചെയ്യുന്ന കവര്‍ സ്‌റ്റോറിക്കൊപ്പമാണ് വിവാദ ചിത്രം പ്രസിദ്ധീകരിച്ചിരിക്കുന്നത്. ജഗദീശ്വരനായ വിഷ്ണുവിനെ മാഗസിന്‍ നിസാരനായി ചിത്രീകരിക്കുന്നുവെന്ന് പ്രതിഷേധക്കാര്‍ ആരോപിച്ചു.
2013ല്‍ ബിസിനസ് ടുഡെ മാഗസിന്റെ കവറിലാണ് ധോണിയെ മഹാവിഷ്ണുവായി ചിത്രീകരിച്ചത്. ഈ കേസില്‍ ധോണിക്കെതിരെ ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചിരിക്കുകയാണ്.
