ഹൈദരാബാദ് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിക്കും സിപിഎം ജനറല്‍ സെക്രട്ടറി സീതാറാം യച്ചൂരിക്കുമെതിരെ രാജ്യദ്രോഹത്തിന് കേസ്. തെലങ്കാന സൈബരാബാദിലെ സരൂര്‍ നഗര്‍ പൊലീസാണ് കേസെടുത്തത്.
രാഹുല്‍ ഗാന്ധിക്കെതിരെ രാജ്യദ്രോഹക്കുറ്റത്തിന് കേസെടുക്കാന്‍ നേരത്തെ അലഹാബാദ് ഹൈക്കോടതിയും ഉത്തരവിട്ടിരുന്നു. ജെഎന്‍യു ക്യാംപസിലെത്തി വിദ്യാര്‍ഥികളുമായി കൂടിക്കാഴ്ച നടത്തിയതിനാണ് നടപടി. രാജ്യവിരുദ്ധ മുദ്രാവാക്യം വിളിച്ച വിദ്യാര്‍ഥികള്‍ക്ക് രാഹുല്‍ പിന്തുണ നല്‍കിയെന്ന് ആരോപിച്ച് സമര്‍പ്പിക്കപ്പെട്ട ഹര്‍ജി പരിഗണിച്ചായിരുന്നു അലഹാബാദ് ഹൈക്കോടതിയുടെ ഉത്തരവ്.
ഇവരെ കൂടാതെ സിപിഐ നേതാവ് ഡി.രാജ, ഡല്‍ഹി മുഖ്യമന്ത്രി അരവിന്ദ് കേജ്!രിവാള്‍, ജെഎന്‍യു വിദ്യാര്‍ഥി യൂണിയന്‍ പ്രസിഡന്റ് കനയ്യ കുമാര്‍, ഉമര്‍ ഖാലിദ്, ആനന്ദ് ശര്‍മ എന്നിവര്‍ക്കെതിരെയും രാജ്യദ്രോഹത്തിന് കേസെടുത്തിട്ടുണ്ട്. ഇന്ത്യന്‍ പീനല്‍ കോഡിലെ 124 എ, 156 (3) എന്നീ വകുപ്പുകളിലാണ് കേസെടുത്തിരിക്കുന്നത്.
-എജെ-
