അടിമാലി: പെരുമ്പാവൂരിലെ ജിഷ വധക്കേസില് അന്വേഷണം അസാമീസ് യുവാക്കളിലേക്ക്. രേഖാചിത്രത്തിനോട് സാമ്യമുള്ളതും മുന്നിരയിലെ പല്ലിന് വിടവുള്ളതുമായ രണ്ട് അസമീസ് യുവാക്കള് അടിമാലി പോലീസിന്റെ കസ്റ്റഡിയിലായെന്ന് സൂചന. ഇവരെ കേസ് അന്വേഷിക്കുന്ന പ്രത്യേക പോലീസ് സംഘത്തിന് കൈമാറിയെന്നാണ് റിപ്പോര്ട്ട്.
അടിമാലി പോലീസ് സ്റ്റേഷന് സമീപത്തെ ഗ്യാസ് ഏജന്സിയില് നാളുകളായി ജോലിനോക്കിയിരുന്ന രണ്ടുപേരാണ് പിടിയിലായത്. വ്യാഴായ്ച രാത്രിയാണ് ഇരുവരേയും പോലീസ് അറസ്റ്റ് ചെയ്തത്. ജിഷയുടെ മുതുകില് ആഴത്തില് പതിഞ്ഞിറങ്ങിയിരിക്കുന്ന രണ്ട് പല്ലുകള്ക്ക് വിടവുണ്ടെന്ന് പോസ്റ്റ്മോര്ട്ടം റിപ്പോര്ട്ടില് പറഞ്ഞിരുന്നു. ഇതിന്റെ അടിസ്ഥാനത്തില് രണ്ടുദിവസമായി മുന്നിരയിലെ പല്ലുകള് അകന്ന ഇതര സംസ്ഥാന തൊഴിലാളികളെ നിരീക്ഷിക്കണമെന്ന് പോലീസിന് നിര്ദേശമുണ്ടായിരുന്നു. ഇതിന്റെ അടിസ്ഥാനത്തിലെ പരിശോധനയിലാണ് രണ്ട് അസമീസ് യുവാക്കളെക്കുറിച്ച വിവരം ലഭിച്ചത്. തുടര്ന്ന് ഇവരെ കസ്റ്റഡിയിലെടുത്തെന്നാണ് റിപ്പോര്ട്ട്.
വെള്ളിയാഴ്ച പുലര്ച്ചെ വരെ ചോദ്യംചെയ്!തെങ്കിലും വിവരങ്ങളൊന്നും പോലീസ് പുറത്തുവിട്ടില്ല. വെള്ളിയാഴ്ച രാവിലെതന്നെ പെരുമ്പാവൂരില്നിന്നെത്തിയ അന്വഷണസംഘത്തിന് അടിമാലി പോലീസ് ഇവരെ കൈമാറിയെന്നാണ് സൂചന. കുറ്റവാളിയുടെ രൂപരേഖയും പല്ലിന്റെ വിടവുമുള്ള രണ്ടുപേര് ഒന്നിച്ച് താമസിച്ചതാണ് പോലീസിന് സംശയം വര്ധിക്കാന് കാരണമെന്നും പറയപ്പെടുന്നു.