പാളങ്ങള്‍ ഇല്ലാതെ ട്രെയിന്‍ ഓടുക എന്നത് സങ്കല്പങ്ങളില്‍ മാത്രമായിരുന്നു ഇതുവരെ.എന്നാല്‍ ആ സാങ്കല്പങ്ങള്‍ ഇന്ന് യാഥാര്‍ത്ഥ്യമായിരിക്കുന്നു. പാളങ്ങള്‍ ഇല്ലാത്ത ലോകത്തെ ആദ്യ ട്രെയിന്‍ ചൈനയില്‍ പരീക്ഷണ ഓട്ടം ആരംഭിച്ചു.
റോഡിലെ സാങ്കല്‍പിക പാതയിലൂടെ സെന്‍സര്‍ ഉപയോഗിച്ച് ഓടുന്ന ട്രെയിനിന്റെ വേഗം മണിക്കൂറില്‍ 78 കിലോമീറ്ററാണ്. പ്ലാസ്റ്റിക്കില്‍ റബര്‍ പൊതിഞ്ഞ ചക്രങ്ങളുള്ള ട്രെയിന്‍ വൈദ്യുതി കൊണ്ടാണ് പ്രവര്‍ത്തിക്കുന്നത്.
2013-ല്‍ ചൈന റെയില്‍ കോര്‍പറേഷന്‍ ഡിസൈന്‍ ചെയ്യാന്‍ ആരംഭിച്ച ട്രെയിന്‍ അടുത്ത വര്‍ഷം സര്‍വീസ് തുടങ്ങുമെന്നാണ് പ്രതീക്ഷിക്കുന്നത്.
ഹുനന്‍ പ്രവിശ്യയിലെ ഷൂഷോ പ്രദേശത്താണു സര്‍വീസ് ആരംഭിക്കുന്നത്. കോച്ചുകളുടെ എണ്ണം മൂന്നില്‍ നിന്ന് അഞ്ചായി ഉയര്‍ത്തുന്നതോടെ 300 പേര്‍ക്കു യാത്ര ചെയ്യാന്‍ സാധിക്കും.
പാളങ്ങളില്ലെങ്കിലും റോഡിലെ സാങ്കല്‍പിക പാതയിലൂടെ സെന്‍സര്‍ ഉപയോഗിച്ചാണ് നീങ്ങുന്നത്. ജനസാന്ദ്രത ഏറെയുള്ള ഷൂഷോ പ്രദേശത്താണു സര്‍വീസ് ആരംഭിക്കുന്നത്. കോച്ചുകള്‍ അഞ്ചാകുന്നതോടെ 300 പേര്‍ക്കു യാത്ര ചെയ്യാനാകും. മണിക്കൂറില്‍ 78 കിലോമീറ്ററാണ് വേഗം. റോഡിലൂടെ ട്രെയിന്‍ ഓടിത്തുടങ്ങുന്നതോടെ ട്രാഫിക് തിരക്കിനും അന്തരീക്ഷ മലിനീകരണത്തിനും പരിഹാരമാകും.
സാധാരണ ട്രെയിനുകളിലെ ഉരുക്ക് ടയറുകള്‍ക്ക് പകരം റബ്ബര്‍ ടയറുകളാണ് ഇവിടെ ഉപയോഗിച്ചിരിക്കുന്നത്. അത്യാധുനിക ടെക്‌നോളജിയുടെ സഹായത്തോടെ നിര്‍മിച്ചിട്ടുള്ള ട്രെയിന്‍ ലോകത്ത് തന്നെ വന്‍ വിപ്ലവം സൃഷ്ടിച്ചേക്കുമെന്നാണ് കരുതുന്നത്. 2013 ലാണ് ഈ പദ്ധതിക്ക് തുടക്കം കുറിക്കുന്നത്.
റോഡില്‍ അടയാളപ്പെടുത്തിയിട്ടുള്ള വഴികളിലൂടെയാണ് ട്രെയിന്‍ സഞ്ചരിക്കുക. ട്രെയിന്‍ നിയന്ത്രിക്കാനായി നിരവധി സെന്‍സറുകളും ഉപയോഗിക്കുന്നുണ്ട്. സെന്‍സറുകളുടെ സഹായത്തോടെയാണ് ഡ്രൈവര്‍ റോഡിലെ വഴികള്‍ തിരിച്ചറിയുക. ട്രെയിന്‍ പത്ത് മിനിറ്റ് ചാര്‍ജ് ചെയ്താല്‍ 25 കിലോമീറ്റര്‍ വരെ സഞ്ചരിക്കും.
ഡികെ
