എനിക്ക് രാജ്യത്തിന് പുറത്ത് യാത്ര ചെയ്യാൻ കഴിയുമോ?
ജോലി, വിദ്യാഭ്യാസം അല്ലെങ്കിൽ മറ്റ് അവശ്യ ആവശ്യങ്ങൾക്കായി നിങ്ങൾ യാത്ര ചെയ്യേണ്ടിവന്നില്ലെങ്കിൽ നിങ്ങളുടെ രാജ്യത്തിനകത്ത് തുടരേണ്ടതാണ് .
എനിക്ക് വീട്ടിലേക്ക് ഏതെങ്കിലും സന്ദർശകരെ അനുവദിക്കാമോ ?
മറ്റൊരു വീട്ടിൽ നിന്ന് നിങ്ങൾക്ക് പരമാവധി ആറ് സന്ദർശകരെ കാണാൻ കഴിയും. സാമൂഹികമോ കുടുംബപരമോ ആയ മറ്റു ഒത്തുചേരലുകൾ നടക്കരുത്.
സംഘടിത ഇൻഡോർ അല്ലെങ്കിൽ ഔട്ട്‌ഡോർ ഒത്തുചേരലുകൾ, കോൺഫറൻസുകൾ, തീയറ്ററുകളിലെ ഇവെന്റുകൾ അല്ലെങ്കിൽ മറ്റ് കലാപരിപാടികൾ നടത്താൻ അനുവദിച്ചിട്ടുണ്ടോ?
സംഘടിത ഇൻഡോർ ഒത്തുചേരലുകൾ നടക്കരുത്. 15 പേർ വരെ ഔട്ട്‌ഡോർ ഒത്തുചേരലുകൾ നടത്താം.
മ്യൂസിയങ്ങൾ, ഗാലറികൾ, മറ്റ് സാംസ്കാരിക ആകർഷണങ്ങൾ എന്നിവയെല്ലാം ലെവൽ 3 യ്ക്ക് കീഴിലാണ്, ഇ-സേവനങ്ങൾക്കായി ലൈബ്രറികൾ ലഭ്യമാകും, ഒപ്പം വിളിക്കാനും ബുക്കുകൾ ശേഖരിക്കാനും കഴിയും.
ഔട്ട്‌ഡോർ കളിസ്ഥലങ്ങൾ, പാർക്കുകൾ എന്നിവ തുറന്നിരിക്കും.
വിവാഹങ്ങളുടെ കാര്യമോ?
25 പേർക്ക് വരെ ഒരു വിവാഹ ചടങ്ങിലും സ്വീകരണത്തിലും പങ്കെടുക്കാം.
മാസ്സിനും ശവസംസ്കാരത്തിനും എന്ത് സംഭവിക്കും?
മതപരമായ സേവനങ്ങൾ ഓൺലൈനിൽ നടക്കും. ആരാധനാലയങ്ങൾ സ്വകാര്യ പ്രാർത്ഥനയ്ക്കായി തുറന്നിരിക്കുന്നു. ശവസംസ്കാരത്തിന്റെ കാര്യത്തിൽ, 25 പേർക്ക് പങ്കെടുക്കാം.
കായികം ഇനങ്ങൾ നടക്കുമോ?
15 വരെ ആളുകൾക്ക് മാത്രമേ ഔട്ട്‌ഡോർ നോൺ-കോൺടാക്റ്റ് പരിശീലനത്തിൽ പങ്കെടുക്കാവൂ. വീടിനുള്ളിൽ, വ്യായാമമോ നൃത്ത ക്ലാസുകളോ ഇല്ലാതെ വ്യക്തിഗത പരിശീലനം മാത്രമേ അനുവദിക്കൂ.
മത്സരങ്ങളോ കായിക ഇനങ്ങളോ നടക്കില്ല. എന്നാൽ, പ്രൊഫഷണൽ / എലൈറ്റ് / ഇന്റർ-കൗണ്ടി / കുതിര-റേസിംഗിന് ഒരു ഇളവ് ഉണ്ട്, അത് ഇൻഡോർ ആയി നടത്താം.
ജിമ്മുകൾ തുറന്നിടാൻ കഴിയുമോ?
ജിമ്മുകൾ, ഒഴിവുസമയ കേന്ദ്രങ്ങൾ, നീന്തൽക്കുളങ്ങൾ എന്നിവയ്ക്ക് ആവശ്യമായ സംരക്ഷണ നടപടികള്ളോടു കൂടെ വ്യക്തിഗത പരിശീലനത്തിനു മാത്രമാണുള്ളതെങ്കിൽ തുറന്നിടാം.
പബ്ബുകളുടെയും റെസ്റ്റോറന്റുകളുടെയും കാര്യമോ?
ലെവൽ 3 നടപടികൾക്ക് കീഴിൽ വെറ്റ് പബ്ബുകൾ, റെസ്റ്റോറന്റുകൾ, കഫേകൾ, ഭക്ഷണം വിളമ്പുന്ന ബാറുകൾ എന്നിവ ടേക്ക് -എവേ, ഡെലിവറി, പരമാവധി 15 പേർക്ക് ഔട്ട്‌ഡോർ ഡൈനിംഗ് / സേവനങ്ങൾ എന്നിവയ്ക്കായി തുറന്നിരിക്കാം. ഡബ്ലിനിലെ വെറ്റ് പബ്ബുകൾ അടച്ചിട്ടിരിക്കുകയാണ്. ലെവൽ 3 പ്രകാരം നൈറ്റ്ക്ലബ്ബുകൾ, ഡിസ്കോകൾ, കാസിനോകൾ എന്നിവ അടച്ചിരിക്കും.
ഹോട്ടലുകളെയും സമാന താമസത്തെയും കുറിച്ച്?
അവ തുറന്നിരിക്കാമെങ്കിലും സേവനങ്ങൾ താമസക്കാർക്ക് മാത്രമായി പരിമിതപ്പെടുത്തും .
റീട്ടെയിൽ ഔട്ട്‌ലെറ്റുകളും ഹെയർഡ്രെസ്സറുകളും / ബാർബറുകളും തുറന്നിരിക്കുമോ?
റീട്ടയിൽ ഔട്ട്ലെറ്റുകൾ , ഷോപ്പിംഗ് കേന്ദ്രങ്ങൾ എന്നിവയിൽ പ്രവേശിക്കുമ്പോൾ മുഖം മൂടുന്നത് തുടരേണ്ടതാണ്. ഹെയർഡ്രെസ്സർമാർ, ബാർബർമാർ, ബ്യൂട്ടിഷ്യൻമാർ എന്നിവർക്കു ആവശ്യമായ സംരക്ഷണ നടപടികളോടെ പ്രവർത്തിക്കാവുന്നതാണ്.
ഇപ്പോഴും വർക്ക് ഫ്രം ഹോം ആണോ നിർദ്ദേശിക്കുന്നത് ?
അതെ, ലെവൽ 3 പ്രകാരം “വ്യക്തിപരമായി പങ്കെടുക്കേണ്ട ആവശ്യമില്ലെങ്കിൽ വീട്ടിൽ നിന്ന് ജോലി ചെയ്യുക” എന്നതാണ് നിർദ്ദേശം .
സ്കൂളുകളും ക്രഷുകളും തുറന്നിരിക്കുമോ?
സംരക്ഷണ നടപടികളോടെ സ്കൂളുകളും ക്രച്ചുകളും തുറന്നിരിക്കും .
70 വയസ്സിനു മുകളിലുള്ളവർ അല്ലെങ്കിൽ വൈദ്യശാസ്ത്രപരമായി ദുർബലരായ ആളുകൾക്ക് കൊക്കോൺ ചെയ്യേണ്ടതുണ്ടോ?
70 വയസും അതിൽ കൂടുതലുള്ളവരും ശാരീരികമായി ദുർബലരായവരും മറ്റുള്ളവരുമായി ഇടപഴകുന്ന കാര്യത്തിലും വീടിന് പുറത്തുള്ള പ്രവർത്തനങ്ങളിലും സ്വയം നിയന്ത്രണങ്ങൾ പാലിക്കേണ്ടതാണ് .
എനിക്ക് ഒരു നഴ്സിംഗ് ഹോമിലെ ഒരു ബന്ധുവിനെ കാണാൻ കഴിയുമോ?
“നിർണായക സാഹചര്യങ്ങൾ ഒഴിച്ചാൽ ലെവൽ 3 പ്രകാരം ദീർഘകാല റെസിഡൻഷ്യൽ കെയർ സെന്റർ കളിലേക്കുള്ള സന്ദർശനങ്ങൾ താൽക്കാലികമായി നിർത്തിവച്ചിരിക്കുന്നു.
പൊതുഗതാഗതത്തെക്കുറിച്ച്?
പൊതുഗതാഗതത്തിൽ മുഖം മൂടുന്നത് തുടരണം. ആളുകൾക്ക് സാധ്യമാകുന്നിടത്ത് നടക്കാനോ സൈക്കിൾ ചവിട്ടാനോ നിർദ്ദേശിക്കുന്നു. പൊതുഗതാഗത ശേഷി 50 ശതമാനമായി പരിമിതപ്പെടുത്തും.
തിരക്കേറിയ തെരുവുകളിലും ആരാധനാലയങ്ങളിലും തിരക്കേറിയ ജോലിസ്ഥലങ്ങളിലും മുഖംമൂടി ധരിക്കേണ്ടതാണ്.
