Main News Section

  തിരുവനന്തപുരം: ഇന്നലെ അന്തരിച്ച പ്രശസ്ത കവി ഒ.എന്‍.വി കുറുപ്പിന് സാംസ്‌കാരിക കേരളത്തിന്റെ അന്ത്യാഞ്ജലി. പ്രധാനമന്ത്രി നരേന്ദ്ര മോഡി അടക്കമുള്ള പ്രമുഖര്‍ ഒ.എന്‍.വിയുടെ നിര്യാണത്തില്‍ അനുശോചിച്ചു. ഒ.എന്‍.വിയുടെ നിര്യാണം മലയാള സാഹിത്യത്തിന് വലിയ നഷ്ടമാണെന്ന് പ്രധാനമന്ത്രി ട്വീറ്റ് ചെയ്തു. അദ്ദേഹത്തിന്റെ സാഹിത്യ സൃഷ്ടികള്‍ വലിയ തോതില്‍ അംഗീകരിക്കപ്പെട്ടവയാണ്. അദ്ദേഹത്തിന് നിത്യശാന്തി നേരുന്നുവെന്നും മോഡി ട്വീറ്റ് ചെയ്തു. മുഖ്യമന്ത്രി ഉമ്മന്‍ ചാണ്ടിയും പ്രതിപക്ഷ നേതാവ് വി.എസ് അച്യുതാനന്ദനും വിവിധ കക്ഷി നേതാക്കളും അനുശോചിച്ചു. പൊതുദര്‍ശനത്തിന് വച്ചിരിക്കുന്ന മൃതദേഹം അവസാനമായി … Read more

  കൊച്ചി: ചലചിത്ര ഛായാഗ്രാഹകന്‍ ആനന്ദക്കുട്ടന്‍ അന്തരിച്ചു. 62 വയസ്സായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.അര്‍ബുദരോഗത്തെ തുടര്‍ന്ന് ഏറെ നാളായി ചികിത്സയിലായിരുന്നു. 1954ല്‍ ചങ്ങനാശേരിയില്‍ ജനിച്ച ആനന്ദക്കുട്ടന്‍ 300ലേറെ ചിത്രങ്ങളുടെ കാമറാമാനായിരുന്നു. 1977ല്‍ പി.ചന്ദ്രകുമാര്‍ സംവിധാനം ചെയ്ത മനസ് ഒരു മയില്‍ ആണ് ആദ്യ ചിത്രം. ഭരതം, കമലദളം, മണിവത്തൂരിലെ ആയിരം ശിവരാത്രികള്‍, അഥര്‍വം, ആകാശദൂത്, നമ്പര്‍ ട്വന്റി മദ്രാസ് മെയില്‍, ഹിസ്‌ഹൈനസ് അബ്ദുള്ള, പപ്പന്‍ പ്രിയപ്പെട്ട പപ്പന്‍ തുടങ്ങിയ ഹിറ്റ് ചിത്രങ്ങളുടെ കാമറ ചലിപ്പിച്ചത് ആനന്ദക്കുട്ടനായിരുന്നു.

ന്യൂഡല്‍ഹി: ബി.ജെ.പി എന്നുമുതലാണ് ഭീകരരെ വിശ്വസിക്കാന്‍ തുടങ്ങിയതെന്ന് കോണ്‍ഗ്രസ് നേതാവ് കപില്‍ സിബല്‍. ഇസ്രത് ജഹാന്‍ ലക്ഷ്‌കറെ തോയിബയുടെ ചാവേര്‍ ആയിരുന്നുവെന്ന ഡേവിഡ് ഹെഡ്ലിയുടെ മൊഴിയോട് പ്രതികരിക്കുകയായിരുന്നു അദ്ദേഹം. ബി.ജെ.പിയുടെ നിലപാട് അത്ഭുതപ്പെടുത്തുന്നതാണെന്നും അദ്ദേഹം പറഞ്ഞു.ലോകം മുഴുവന്‍ ഭീകരനെന്ന് വിളിക്കുന്ന ഹെഡ്ലി പറയുന്നത് സത്യമാണെന്ന് ബി.ജെ.പി പറയുന്നുവെന്നും ഇനി മസൂദ് അസഹറും സാക്കിയൂര്‍ റഹ്മാന്‍ ലഖ്വിയും പറയുന്നതൊക്കെ വിശ്വസിക്കേണ്ടിവരുമെന്നും അദ്ദേഹം പരിഹസിച്ചു. ബി.ജെ.പിക്കും അവരുടെ നേതാക്കള്‍ക്കും ഭീകരില്‍ വിശ്വാസം വരുകയും അവര്‍ പറയുന്നത് സത്യമാണെന്ന് സമ്മതിക്കുകയും ചെയ്യുന്നുവെന്ന് … Read more

  മുംബൈ: പ്രധാനമന്ത്രി നരേന്ദ്ര മോദി മേക്ക് ഇന്‍ ഇന്ത്യ സെന്റര്‍ മുംബൈയില്‍ ഉദ്ഘാടനം ചെയ്തു. ബാന്ദ്ര കുര്‍ല കോംപ്ലക്‌സിലെ സെന്റര്‍ ഉദ്ഘാടനം ചെയ്ത് കേന്ദ്രവും മഹാരാഷ്ട്ര സര്‍ക്കാരും സംയുക്തമായി സംഘടിപ്പിക്കുന്ന മേക്ക് ഇന്‍ ഇന്ത്യ വീക്കിനും മോദി തുടക്കം കുറിച്ചു. ഇന്ത്യയുടെയും വിദേശ രാജ്യങ്ങളുടെയും വിവിധ മേഖലകളിലെ കണ്ടുപിടുത്തങ്ങളും നിര്‍മിതികളും മേക്ക് ഇന്‍ ഇന്ത്യ വീക്കിലെ സ്റ്റാളുകളില്‍ പ്രദര്‍ശിപ്പിക്കും. മോദി സര്‍ക്കാരിന്റെ പ്രധാന പദ്ധതികളിലൊന്നാണ് മേക്ക് ഇന്‍ ഇന്ത്യ.

  ന്യൂഡല്‍ഹി: ഫേസ്ബുക്ക് ഇന്ത്യയുടെ മേധാവി കിര്‍തിക റെഡ്ഡി സ്ഥാനമൊഴിഞ്ഞു. ഫേസ്ബുക്കിന്റെ സ്വപ്ന പദ്ധതിയായ ഫ്രീ ബേസിക്‌സിന് ഇന്ത്യയില്‍ വിലക്കു നേരിട്ടതിനു പിന്നാലെയാണ് കിര്‍തിക സ്ഥാനമൊഴിയുന്നത്. യുഎസിലേക്ക് പോകുന്നതിനുവേണ്ടിയാണ് സ്ഥാനമൊഴിയുന്നതെന്ന് കൃതിക ഫേസ്ബുക്കിലൂടെ അറിയിച്ചെങ്കിലും ഇവര്‍ക്ക് പിന്‍ഗാമിയെ പ്രഖ്യാപിച്ചിട്ടില്ല. ഇന്റര്‍നെറ്റ് സേവനങ്ങള്‍ക്ക് വ്യത്യസ്ത നിരക്കുകള്‍ ഈടാക്കാനുള്ള നീക്കം ട്രായ് തടഞ്ഞതിനെ തുടര്‍ന്ന് ഫേസ്ബുക്ക് ഫ്രീ ബേസിക്‌സ് പദ്ധതി ഇന്ത്യയില്‍നിന്നു പിന്‍വലിച്ചിരുന്നു. രാജിക്ക് ഫ്രീ ബേസിക്‌സിന് അനുമതി നിഷേധിച്ചതുമായി ബന്ധമുണ്ടെന്ന റിപ്പോര്‍ട്ടുകള്‍ കിര്‍തിക നിഷേധിച്ചു.