ഡെബ്ലിന്‍: ഇന്ന് ഉച്ച വരെ താഴ്ന്ന താപനിലയായിരിക്കും രേഖപ്പെടുത്തുക എന്ന് മെറ്റ് ഐറിന്‍ അറിയിച്ചു. തണുത്തുറഞ്ഞ കാലാവസ്ഥയായിരിക്കും പരക്കെ അനുഭവപ്പെടുക. പൂജ്യം മുതല്‍ മൈനസ് നാല് ഡിഗ്രി സെല്‍ഷ്യസ് വരെ താപനില അനുഭവപ്പെട്ടേക്കാം.
ഉച്ചയ്ക്ക് ശേഷം മിക്ക ഭാഗങ്ങളിലും മഞ്ഞുരുകി തുടങ്ങുമെന്നും മെറ്റ് ഐറിന്‍ അറിയിച്ചു.
രാവിലെ അല്‍പ്പം സൂര്യപ്രകാശം അനുഭവപ്പെടുമെങ്കിലും പടിഞ്ഞാറന്‍ പ്രദേശങ്ങളില്‍ ഉച്ചയ്ക്ക് ശേഷം തണുപ്പ് കൂടും. ഒറ്റപ്പെട്ട മഞ്ഞുവീഴ്ചയുണ്ടാകുമെന്നത് ഒഴിച്ചാല്‍ വടക്കന്‍ മേഖലകളില്‍ പൊതുവെ വരണ്ട കാലാവസ്ഥയായിരിക്കും. ചെറിയ തോതിലുള്ള കാറ്റ് ഉണ്ടാകുമെന്നൊഴിച്ചാല്‍ 3 മുതല്‍ 6 ഡിഗ്രി സെല്‍ഷ്യസ് താപനിലയായിരിക്കും രേഖപ്പെടുത്തുക.
കിഴക്കന്‍ മേഖലകളില്‍ പ്രത്യേകിച്ചും രാത്രിയോടെ പരക്കെ മരവിപ്പിക്കുന്ന തണുപ്പായിരിക്കും അനുഭവപ്പെടുക.
നാളെ മഴയും കാറ്റും അനുഭവപ്പെടും. രാജ്യത്ത്, പ്രത്യേകിച്ച് പടിഞ്ഞാറന്‍ മേഖലകളില്‍ തുടര്‍ച്ചയായ മഴയായിരിക്കും നാളെ ഉണ്ടാവുക. കൊന്നാച്ചിലും മണ്‍സ്റ്ററിലും തുടര്‍ച്ചയായി അനുഭവപ്പെടാന്‍ സാധ്യതയുള്ള മഴ വെള്ളപ്പൊക്കത്തിന് ഇടയാക്കിയേക്കുമെന്ന മുന്നറിയിപ്പുണ്ട്.
7 മുതല്‍ 10 ഡിഗ്രി സെല്‍ഷ്യസ് വരെയായിരിക്കും ഉയര്‍ന്ന താപനില രേഖപ്പെടുത്തുക.
