തൃപ്പൂണിത്തുറ: വിനായക കാറ്ററിങ് ഗ്രൂപ്പിന്റെ ഉടമ പൂണിത്തുറ വിക്രം സാരാഭായ് റോഡില് മഹാലക്ഷ്മിയില് എം. അനന്തരാമന് (58) അന്തരിച്ചു. അസുഖബാധിതനായതിനെ തുടര്ന്ന് കുറച്ചുദിവസങ്ങളായി കൊച്ചി അമൃത ആശുപത്രിയില് ചികില്സയിലായിരുന്നു.
തിങ്കളാഴ്ച രാത്രി 10 മണിയോടെയാണ് മരിച്ചത്. വെജിറ്റേറിയന് പാചകരംഗത്ത് 30 വര്ഷത്തിലേറെയായി കേരളത്തിലും പുറത്തും ശ്രദ്ധേയനായ വ്യക്തിയാണ്. സ്കൂള് യുവജനോല്സവങ്ങളിലെ അനന്തരാമന്റെ പാചക വൈദഗ്ധ്യം പ്രശസ്തിയാര്ജിച്ചിരുന്നു. മൃതദേഹം പൂണിത്തുറയിലെ വസതിയില് പൊതുദര്ശനത്തിനുശേഷം ചൊവ്വാഴ്ച സംസ്കരിക്കും. ഭാര്യ: ബിന്ദു. മക്കള്: മഹാദേവന് (എം.ബി.എ. വിദ്യാര്ഥി), ശ്രീഹരി (പ്ലസ് ടു വിദ്യാര്ഥി).
-എജെ-