കൊച്ചി: ജിഷ വധക്കേസിലെ പ്രതി ആസാം സ്വദേശി അമിറുള്‍ ഇസ്ലാമിനെ കോടതി റിമാന്‍ഡ് ചെയ്തു. പെരുമ്പാവൂര്‍ മജിസ്‌ട്രേറ്റ് കോടതിയാണ് പ്രതിയെ 14 ദിവസത്തേക്ക് റിമാന്‍ഡ് ചെയ്തത്. ഇയാളെ കാക്കനാട് ജയിലേക്ക് മാറ്റിയിരിക്കുകയാണ്. കോടതിയില്‍ പ്രതിയെ ഹാജരാക്കിയപ്പോള്‍ കസ്റ്റഡിയില്‍ വേണമെന്നാവശ്യപ്പെട്ട് പോലീസ് അപേക്ഷ നല്‍കാഞ്ഞതിനെ തുടര്‍ന്നാണ് കോടതി പ്രതിയെ റിമാന്‍ഡ് ചെയ്തത്. തിരിച്ചറിയല്‍ പരേഡിനുള്ള അപേക്ഷ പോലീസ് കോടതിയില്‍ സമര്‍പ്പിച്ചിട്ടുണ്ട്.
ജിഷ വധം: പ്രതിയെ റിമാന്‍ഡ് ചെയ്തു
