സ്ലൈഗോ :സ്ലൈഗോയിലെ സെന്റ് പാട്രിക്‌സ് ഡേ പരേഡില്‍ ആര്ട്‌സ് & കള്‍ച്ചര്‍ വിഭാഗത്തില്‍ ഇന്ത്യന്‍ അസോസിയേഷന്‍ ജേതാക്കളായി .ഇന്നലെ 12 മണിക്കാരംഭിച്ചു പരേഡിന് ഇന്ത്യയിലെ മൂന്നു പ്രമുഖ നൃത്തരൂപങ്ങളെ സമന്വയിപ്പിച്ചുകൊണ്ട് ,25 ഓളം കലാകാരന്മാരുള്‍പ്പെട്ട ടീമിനെയാണ് രംഗത്തിറക്കിയത് .
കേരളത്തിന്റെ സ്വന്തം തിരുവാതിര ,പഞ്ചാബിന്റെ ബാന്‍ഗ്ര ,ഉത്തരേന്ത്യയുടെ ഡാന്‍ഡിയ .ഇതോടൊപ്പം സ്ലൈഗോയില്‍ ആദ്യമായി അവതരിപ്പിച്ച ‘കേരളാ ബീറ്റ്‌സ്‌ന്റെ’ ശിങ്കാരിമേളവും സ്ലൈഗോ പരേഡിന് നവ്യാനുഭവമായി . കലാകാരന്മാരോടൊപ്പം പരമ്പരാഗത വേഷത്തില്‍ നിരവധി ഇന്ത്യക്കാരും ഫ്‌ലോട്ടില്‍ അണിചേര്‍ന്നു .കൂടാതെ അസോസിയേഷനിലെ 10 ഓളം അംഗങ്ങള്‍ തോമസ് മാത്യുവിന്റെ നേതൃത്വത്തില്‍ വോളണ്ടിയര്‍മാരായി പരേഡ് നിയന്ത്രിക്കാനും പങ്കെടുത്തു .പ്രതികൂല കാലാവസ്ഥയിലും 50,000 പേര് കാണികളായി എത്തിയെന്ന് കണക്കുകള്‍ സൂചിപ്പിക്കുന്നു .
വിജയികള്‍ക്ക് സെക്രട്ടറി സുരേഷ് പിള്ളയും, കള്‍ച്ചറല്‍ സെക്രട്ടറി ബിന്ദു നായരും അഭിനന്ദനങ്ങളും, നന്ദിയും അറിയിച്ചു .
ബെബില്‍ പഞ്ഞിക്കാട്ടില്‍
പബ്ലിക് റിലേഷന്‍സ് ഓഫീസര്‍
