പൈപ്പ് ബോംബ് ഭീഷണിയെ തുടർന്ന് ഡബ്ലിൻ നോർത്തിൽ താമസക്കാരെ ഒഴിപ്പിച്ചു. ഇന്നലെ രാത്രിയാണ് സംഭവം നടന്നത്. രാത്രി 9 മണിയോടുകൂടി ഡബ്ലിൻ നോർത്തിൽ ബാലിമൺ പോപ്പിൻട്രീ ഭാഗത്തെ താമസക്കാരെയാണ് ഗാർഡ ഒഴിപ്പിച്ചത്.
പൈപ്പ് ബോംബ് എന്ന് സംശയിക്കുന്ന വസ്തു കണ്ടതിനെ തുടർന്നായിരുന്നു ഗാർഡ താമസക്കാരെ ഒഴിപ്പിച്ചത്. തുടർന്ന് ആർമിയുടെ എക്സ്പ്ലോസീവ് യൂണിറ്റ് സ്ഥലത്തെത്തി സ്ഥലത്തിന്റെ നിയന്ത്രണം ഏറ്റെടുത്തു. തുടർന്ന് മണിക്കൂറുകൾക്ക് ശേഷമാണ് താമസക്കാർക്ക് സ്വന്തം വീടുകളിലേക്ക് മടങ്ങാൻ കഴിഞ്ഞത്.
