Co Clare-ല്‍ കന്നുകാലിയുമായി പോകുകയായിരുന്ന വാഹനം മറിഞ്ഞ് ഒരാള്‍ മരിച്ചു. Shannon – Bunratty റൂട്ടിലുള്ള N18-ല്‍ വെള്ളിയാഴ്ച ഉച്ചയ്ക്ക് 2.10-ഓടെയായിരുന്നു അപകടം.
ലാന്‍ഡ് റോവര്‍ വാഹനത്തിന് പുറകിലെ ട്രെയിലറില്‍ കന്നുകാലിയുമായി പോകവേ വാഹനം കീഴ്‌മേല്‍ മറിയുകയായിരുന്നു. ഡ്രൈവര്‍ മാത്രമായിരുന്നു വാഹനത്തിനകത്ത് ഉണ്ടായിരുന്നത്.
വാഹനത്തിന്റെ മേല്‍ഭാഗം തകര്‍ന്ന് അകത്ത് കുടുങ്ങിയ ഡ്രൈവറെ വാഹനം വെട്ടിപ്പൊളിച്ചാണ് പുറത്തെടുത്തത്. ഇദ്ദേഹം സംഭവസ്ഥലത്ത് വച്ചുതന്നെ മരിച്ചതായാണ് റിപ്പോര്‍ട്ട്. കൗണ്ടി ലിമറിക്ക് സ്വദേശിയായ ഇദ്ദേഹത്തിന് 40-ലേറെ പ്രായമുണ്ട്.
