ഡബ്ലിന് സിറ്റി സെന്ററിലെ തങ്ങളുടെ ആദ്യ സ്റ്റോര് മെയ് മാസത്തില് പ്രവര്ത്തനമാരംഭിക്കുമെന്ന് Krispy Kreme. ലോകപ്രശസ്ത ഡോനട്ട് കമ്പനിയായ Krispy Kreme-ന് ഡബ്ലിനില് വേറെ രണ്ട് സ്റ്റോറുകളുണ്ടെങ്കിലും സിറ്റി സെന്ററില് ഇതുവരെ ബിസിനസ് ആരംഭിച്ചിട്ടില്ല.
ഡബ്ലിനിലെ Dame Street-ലുള്ള Central Plaza-യില് സ്റ്റോര് നിര്മ്മിക്കാന് സിറ്റി കൗണ്സില് അനുമതി നല്കിയതായി Krispy Kreme കഴിഞ്ഞ ദിവസം വ്യക്തമാക്കി.
നേരത്തെ സ്റ്റോറിന്റെ വലിപ്പം അധികമാണെന്ന കാരണം പറഞ്ഞ് നിര്മ്മാണാനുമതി നിഷേധിച്ചതിനെത്തുടര്ന്ന്, വലിപ്പം കുറവുള്ള പുതിയ പ്ലാന് കമ്പനി സമര്പ്പിക്കുകയായിരുന്നു. പക്ഷേ നിര്മ്മാണത്തിന് മുമ്പ് ഈ പ്ലാനിലും ഏതാനും മാറ്റങ്ങള് കൗണ്സില് നിര്ദ്ദേശിച്ചിട്ടുണ്ട്.
2021 ഡിസംബറില് സ്റ്റോര് പ്രവര്ത്തനമാരംഭിക്കാനായിരുന്നു ഉദ്ദേശിച്ചതെങ്കിലും പ്ലാനിങ് അനുമതി ലഭിക്കാത്തത് കാരണം നീണ്ടുപോകുകയായിരുന്നു.
പുതിയ സ്റ്റോറില് 40 ഇരിപ്പിടങ്ങളാണ് അകത്ത് ഉണ്ടാകുക. പുറത്ത് 20 പേര്ക്കും ഇരിക്കാം.
Swords, Blanchardstown എന്നിവിടങ്ങളിലാണ് Krispy Kreme-ന്റെ ഡബ്ലിനിലെ മറ്റ് സ്റ്റോറുകള് സ്ഥിതി ചെയ്യുന്നത്.