അയര്ലണ്ടില് പുതുതായി 100 പേര്ക്ക് കൂടി തൊഴില് നല്കുമെന്ന പ്രഖ്യാപനവുമായി ഔട്ട്ഡോര് ക്ലോത്തിങ്, ഫൂട്ട് വെയര് റീട്ടെയില് കമ്പനിയായ Regatta Great Outdoors. ഈ വേനല്ക്കാലത്ത് അയര്ലണ്ടില് തങ്ങളുടെ പുതിയ ഡിസ്ട്രിബ്യൂഷന് സെന്ററും, ഒപ്പം പുതിയൊരു സ്റ്റോറും പ്രവര്ത്തനമാരംഭിക്കുമെന്ന് കമ്പനി അറിയിച്ചു. ഇതോടെ രാജ്യത്തെ ആകെ Regatta Great Outdoors സ്റ്റോറുകളുടെ എണ്ണം 29 ആകും.
കോര്ക്കിലെ Ringaskiddy-ലാണ് 170,000 സ്ക്വയര്ഫീറ്റില് പുതിയ ഡിസ്ട്രിബ്യൂഷന് സെന്റര് ആരംഭിക്കുക. യൂറോപ്പിലും, യുഎസിലുമായി രണ്ട് ഡിസ്ട്രിബ്യൂഷന് സെന്ററുകള് ഇതുകൂടാതെ കമ്പനിക്കുണ്ട്.
Operatives, team leaders, supervisors, stock controllers, despatch / administrative operatives, health and safety officers തുടങ്ങിയ തസ്തികകളിലാണ് കോര്ക്കിലെ സെന്ററില് ജോലി ഒഴിവുകള്.
ഈ വര്ഷം തന്നെ ഡബ്ലിന്, ഗോള്വേ, ലിമറിക്ക് എന്നിവിടങ്ങളിലായി മൂന്ന് പുതിയ സ്റ്റോറുകള് കൂടി തുറക്കുമെന്ന് Regatta Great Outdoors അറിയിച്ചിട്ടുണ്ട്. ഇതോടെ 300 പേര്ക്ക് കൂടി ജോലി ലഭിക്കും. 11 വര്ഷം മുമ്പാണ് കമ്പനിയുടെ ആദ്യ സ്റ്റോര് അയര്ലണ്ടില് പ്രവര്ത്തനമാരംഭിച്ചത്.