അയർലൻഡിൽ പ്രധാനമന്ത്രി പദത്തിലേക്ക് ഇന്ത്യൻ വംശജനായ Leo Varadkar വീണ്ടും എത്തുന്നു.
ഡിസംബർ 17-ന് നിലവിലെ പ്രധാനമന്ത്രി Micheál Martin നിൽ നിന്നും Leo Varadkar പ്രധാനമന്ത്രി സ്ഥാനം ഏറ്റെടുക്കുമെന്ന് സ്ഥിരീകരണം.
ബ്രസ്സൽസിൽ നടക്കുന്ന യൂറോപ്യൻ യൂണിയൻ ഉച്ചകോടിയിൽ പങ്കെടുക്കാൻ Micheál Martin പോകുമെന്നതിനാലാണ് ഡിസംബർ 15 ന് നടക്കേണ്ട സ്ഥാനാരോഹണം ഡിസംബർ 17ലേക്ക് മാറ്റിയത് കൂട്ടുമന്ത്രിസഭാ ധാരണ പ്രകാരം Leo Varadkar ആണ് നിലവിലെ മന്ത്രിസഭയുടെ അവസാന ടേമിൽ പ്രധാനമന്ത്രിയാകേണ്ടത്. രണ്ടര വർഷക്കാലമായിരിക്കും കാലാവധി. 2017 ജൂൺ മുതൽ 2020 ഫെബ്രുവരി വരെ Leo പ്രധാനമന്ത്രിപദത്തിലുണ്ടായിരുന്നു .. തുടർന്നു നടന്ന തെരഞ്ഞെടുപ്പിൽ പാർട്ടിക്ക് ഒറ്റയ്ക്കു ഭൂരിപക്ഷം കിട്ടാഞ്ഞതിനാലാണ് കൂട്ടുകക്ഷി ഭരണം വേണ്ടിവന്നത്.
