അയച്ചു കഴിഞ്ഞ മെസേജുകള് 15 മിനിറ്റ് വരെ എഡിറ്റ് ചെയ്യാവുന്ന ഫീച്ചര് അവതരിപ്പിച്ച് വാട്സാപ്പ്. വാട്സാപ്പ് ഉള്പ്പെടുന്ന മെറ്റാ കമ്പനിയുടെ ഉടമയായ മാര്ക്ക് സക്കന്ബര്ഗ് ആണ് ഫേസ്ബുക്കിലൂടെ പുതിയ ഫീച്ചര് അവതരിപ്പിക്കുന്ന കാര്യം പ്രഖ്യാപിച്ചത്.
ആപ്പിളിലെ മെസ്സേജിങ് ആപ്പായ iMessage-ല് നേരത്തെ തന്നെ ഈ ഫീച്ചര് ലഭ്യമാണ്.
വാട്സാപ്പ് ഈ ഫീച്ചര് പ്രാവര്ത്തികമാക്കാന് ശ്രമിക്കുന്നതായി മാര്ച്ചില് റിപ്പോര്ട്ടുകളുണ്ടായിരുന്നു. അയച്ച മെസേജുകളില് തെറ്റുകളോ, മാറ്റങ്ങളോ ഉണ്ടെങ്കില് അടുത്ത 15 മിനിറ്റിനുള്ളിൽ അത് തിരുത്തി അയയ്ക്കാനുള്ള അവസരമാണ് ഈ ഫീച്ചറിലൂടെ ലഭ്യമാകുന്നത്.
ഇത്തരത്തില് എഡിറ്റ് ചെയ്ത് അയയ്ക്കുന്ന മെസേജുകളില് ‘edited’ എന്ന ലേബല് ഉണ്ടായിരിക്കും. അതേസമയം എഡിറ്റ് ഹിസ്റ്ററി കാണിക്കുന്നതല്ല എന്നും കമ്പനി വ്യക്തമാക്കുന്നു.