ഡബ്ലിനില് ആക്രമണത്തില് ചെറുപ്പക്കാരന് ഗുരുതര പരിക്ക്. വ്യാഴാഴ്ച രാത്രിയാണ് Clondalkin-ലെ St. Cuthbert’s Park-ല് വച്ച് 20-ലേറെ പ്രായമുള്ള പുരുഷന് ആക്രമണത്തില് പരിക്കേറ്റത്. ഇദ്ദേഹം നിലവില് Tallaght Hospital-ല് ചികിത്സയിലാണ്. ഗുരുതരമായി പരിക്കേറ്റെങ്കിലും അപകടനില തരണം ചെയ്തതായാണ് റിപ്പോര്ട്ട്.
സംഭവത്തെത്തുടര്ന്ന് അന്വേഷണത്തിനായി Ballyfermot Garda Station-ല് പ്രത്യേക റൂം തുറന്നു. ഗാര്ഡയിലെ മുതിര്ന്ന ഉദ്യോഗസ്ഥന് അന്വേഷണ ചുമതല ഏറ്റെടുത്തിട്ടുണ്ട്. നിലവില് ആരെയും അറസ്റ്റ് ചെയ്തിട്ടില്ല.
ഏപ്രില് 11 വ്യാഴാഴ്ച രാത്രി ഈ പ്രദേശത്ത് അസ്വാഭാവകമായി എന്തെങ്കിലും കണ്ടവരോ, സിസിടിവി, കാര് ഡാഷ് ക്യാമറ ദൃശ്യങ്ങളോ ലഭിച്ചവരോ തങ്ങളെ ബന്ധപ്പെടണമെന്ന് ഗാര്ഡ അഭ്യര്ത്ഥിച്ചു.
Ballyfermot Garda Station 01 666 7200
Garda Confidential Line 1800 666 111