ഗ്രേ സ്റ്റോണ്‍-ഡാല്‍ക്കെ റൂട്ടില്‍ റെയില്‍ സര്‍വീസുകള്‍ക്ക് തടസ്സം നേരിടും
ഡബ്ലിന്‍: സിഗ്‌നല്‍ സംവിധാനത്തിന് തീ പിടിച്ചതോടെ നിര്‍ത്തിവെയ്ക്കപ്പെട്ട ഡാര്‍ട്ട് സര്‍വീസുകള്‍ പുനരാരംഭിക്കാന്‍ ഒരാഴ്ചയോളം സമയമെടുക്കുമെന്ന് റെയില്‍വേ അറിയിച്ചു. ഗ്രേ സ്റ്റോണ്‍-ഡാല്‍ക്കെ റൂട്ടില്‍ ആയിരുന്നു കഴിഞ്ഞ ദിവസം സിഗ്‌നല്‍ സംവിധാനത്തിന് തീ പിടുത്തമുണ്ടായത്. ഇതോടെ ഗ്രെ സ്റ്റോണ്‍-ബ്രെ റൂട്ടില്‍ ഗതാഗതം പൂര്‍ണമായും തടസ്സപ്പെട്ടു. എന്നാല്‍ തിരക്കേറിയ സമയങ്ങളില്‍ അര മണിക്കൂര്‍ ഇടവിട്ട് ബ്രെ-ഡാല്‍ക്കെ റൂട്ടിലും തിരിച്ചും അത്യാവശ്യ സര്‍വീസുകള്‍ ഇപ്പോള്‍ നടന്നുവരുന്നുണ്ട്. സര്‍വീസുകള്‍ നിര്‍ത്തിവെയ്ക്കപ്പെട്ട റൂട്ടുകളില്‍ ബസ് സര്‍വീസുകള്‍ ലഭ്യമായിരിക്കുമെന്നും റെയില്‍വേ അറിയിച്ചു. ഡികെ
