തിരുവനന്തപുരം: നിയമസഭ തിരഞ്ഞെടുപ്പില് ജെ.എസ്.എസ് ആറ് സീറ്റില് ഒറ്റയ്ക്ക് മത്സരിക്കുമെന്ന് കെ.ആര്. ഗൗരിയമ്മ പറഞ്ഞു. ഇടതു മുന്നണിയില് സീറ്റ് ലഭിക്കാത്ത സാഹചര്യത്തിലാണ് പുതിയ തീരുമാനം. മണ്ഡലങ്ങള് തീരുമാനിക്കുന്നതിന് ജെ.എസ്.എസ് സെന്റര് യോഗം ഗൗരിയമ്മയെ ചുമതലപ്പെടുത്തി.
സീറ്റ് ഇല്ലെന്ന് അറിയിക്കാനാണ് എ.കെ.ജി സെന്ററിലേക്ക് തന്നെ വിളിപ്പിച്ചതെന്ന് ഗൗരിയമ്മ പറഞ്ഞു. എല്.ഡി.എഫില് സീറ്റ് ലഭിക്കാത്തതിനെ തുടര്ന്ന് സി.പി.എമ്മിനെതിരെ രൂക്ഷ വിമര്ശനവുമായി ഗൗരിയമ്മ രംഗത്ത് വന്നിരുന്നു. ഇതിനിടെ ജെ.എസ്.എസിന് ബോര്ഡ്, കോര്പ്പറേഷന് സ്ഥാനങ്ങള് നല്കാമെന്നറിയിച്ച് സി.പി.എം ഗൗരിയമ്മയെ സമീപിച്ചിരുന്നു.
-എജെ-