കൊച്ചി: ജിഷ വധക്കേസ് പ്രതി അമീറുല് ഇസ്ലാമിനെ അയല്വാസിയായ വീട്ടമ്മ തിരിച്ചറിഞ്ഞു. കാക്കനാട് ജില്ലാ ജയിലില് നടന്ന തിരിച്ചറിയല് പരേഡിലാണ് പ്രതിയെ തിരിച്ചറിഞ്ഞത്. മജിസ്ട്രേട്ട് ഷിബു ഡാനിയേലിന്റെ സാന്നിധ്യത്തിലായിരുന്നു തിരിച്ചറിയല് പരേഡ്. അമീറുല് ഇസ്ലാമിനൊപ്പം രൂപസാദൃശ്യമുള്ളവരെയാണ് പരേഡില് നിര്ത്തിയത്. ജിഷയുടെ അയല്വാസിയായ സ്ത്രീയാണിത്. ജിഷയുടെ വീട്ടില്നിന്ന് ഒരാള് ഇറങ്ങിപ്പോകുന്നതു കണ്ടുവെന്ന് ഇവര് പൊലീസിന് മൊഴി നല്കിയിരുന്നു.