രജനീകാന്തിന്റെ ഭാര്യ ലതാ രജനീകാന്തിന് സുപ്രീം കോടതിയുടെ നോട്ടീസ്. 2014ല്‍ പുറത്തിറങ്ങിയ ‘കോച്ചടിയാന്‍’ എന്ന ചിത്രത്തിന്റെ വിതരണാവകാശവുമായി ബന്ധപ്പെട്ട് ഫയല്‍ ചെയ്ത കേസിലാണ് നോട്ടീസ്.
‘കോച്ചടിയാ’ന്റെ വിതരണാവകാശം തങ്ങള്‍ക്ക് നല്‍കാമെന്ന് വിശ്വസിപ്പിച്ച് പത്ത് കോടി രൂപ തങ്ങള്‍ക്ക് നഷ്ടമുണ്ടാക്കിയതായും പിന്നീട് ഇറോസ് ഇന്റര്‍നാഷണലിന് ചിത്രത്തിന്റെ വിതരണാവകാശം കൈമാറുകയായിരുന്നുവെന്നും ആഡ് ബ്യൂറോ എന്ന കമ്പനി നല്‍കിയ ഹര്‍ജിയില്‍ പറയുന്നു.
കേസില്‍ ലതാ രജനീകാന്തിനെതിരെ വ്യാജരേഖ ചമച്ചതിനും വഞ്ചനാകുറ്റത്തിനും ബംഗളൂരു മെട്രോപൊളിറ്റന്‍ കോടതിയുടെ നിര്‍ദ്ദേശ പ്രകാരം കേസ് രജിസ്റ്റര്‍ ചെയ്തിരുന്നു. 2014ല്‍ പുറത്തിറങ്ങിയ ചിത്രം രജനീകാന്തിന്റെ മകള്‍ സൗന്ദര്യയാണ് സംവിധാനം ചെയ്തത്. അനിമേഷന്‍ ചിത്രമായ ‘കോച്ചടിയാനി’ല്‍ ബോളിവുഡ് താരം ദീപിക പദുക്കോണ്‍ ആയിരുന്നു നായിക.
