കൊറോണ വൈറസിന്റെ വ്യാപനം നിയന്ത്രിക്കുന്നതിനുള്ള ലോക്ക്ഡൗൺ നടപടികളുടെ ഫലമായി തൊഴിൽ നഷ്ടമായവർക്ക്‌ നൽകുന്ന പ്രതിവാര തൊഴിലില്ലായ്മ വേതനത്തിനുള്ള അപേക്ഷകരുടെ എണ്ണം വർധിച്ചു. 330,550 പേരാണ് കഴിഞ്ഞ ദിവസങ്ങളിൽ അപേക്ഷിച്ചത്.
513,350 പേരാണ് പ്രതിവാര തൊഴിലില്ലായ്മ വേതനത്തിനായി ഈ ഘട്ടത്തിൽ ആകെ അപേക്ഷിച്ചിട്ടുള്ളത്.
2012-ൽ മറ്റൊരു പ്രതിസന്ധി ഘട്ടത്തിൽ ഏകദേശം 460,000 പേർ തൊഴിലില്ലായ്മ വേതനത്തിനായി അപേക്ഷിച്ചിരുന്നു.
നിയന്ത്രണങ്ങൾ മാറിയാൽ തൊഴിലാളികൾക്ക് തിരികെ ജോലിയിൽ പ്രവേശിക്കാം. കഴിഞ്ഞ മാസം കോവിഡ് -19 പാൻഡെമിക് തൊഴിലില്ലായ്മ വേതനം 283,037 പേർക്ക് ലഭിച്ചതായി സെൻട്രൽ സ്റ്റാറ്റിസ്റ്റിക്സ് ഓഫീസ്(CSO) അറിയിച്ചു
താൽക്കാലിക കോവിഡ്-19 വേതന സബ്സിഡി പദ്ധതിയിലൂടെ 25,104 പേർക്ക് പ്രയോജനം ലഭിച്ചതായും അറിയിച്ചു.
അയർലണ്ടിന്റെ തൊഴിൽ മേഖലയെയും കൊറോണ വൈറസ് വ്യാപനം സാരമായി ബാധിച്ചു. രാജ്യത്തെ തൊഴിലില്ലായ്മാ നിരക്ക് ഫെബ്രുവരിയിൽ 4.8% ആയിരുന്നു. മാർച്ചിൽ ഇത് 17% ആയി ഉയർന്നുവെന്നും റിപ്പോർട്ടുകൾ പറയുന്നു
