ഡബ്ലിനില് ലുവാസ് ട്രാമിടിച്ച് പരിക്കേറ്റ സ്ത്രീ ഗുരുതരാവസ്ഥയില്. വ്യാഴാഴ്ച ഉച്ചയ്ക്ക് ശേഷം Steeven’s Lane-ല് വച്ചായിരുന്നു അപകടം. റോഡിലൂടെ നടന്നുപോകുകയായിരുന്ന സ്ത്രീയെ ട്രാം ഇടിക്കുകയായിരുന്നു.
പരിക്കേറ്റ ഇവരെ ഉടന് തന്നെ ആംബുലന്സില് St. James Hospital-ല് പ്രവേശിപ്പിച്ചു. നില ഗുരുതരമാണെന്നാണ് റിപ്പോര്ട്ട്.
സംഭവത്തെത്തുടര്ന്ന് പ്രദേശത്ത് പരിശോധന നടത്താനായി റോഡ്, ട്രാം ഗതാഗതങ്ങള് നിര്ത്തിവച്ചിരുന്നു. വൈകുന്നേരത്തോടെ ഇവ പുനഃസ്ഥാപിച്ചു.
സംഭവത്തിന് ദൃക്സാക്ഷികളായവരോ, ഇതിന്റെ സിസിടിവി ദൃശ്യങ്ങള് കയ്യിലുള്ളവരോ തങ്ങളെ ബന്ധപ്പെടണമെന്ന് ഗാര്ഡ അഭ്യര്ത്ഥിച്ചു. Kilmainham Garda station- 01 666 9700, Garda Confidential Line- 1800 666 111 എന്നീ നമ്പറുകളിലോ, അടുത്തുള്ള ഏതെങ്കിലും ഗാര്ഡ സ്റ്റേഷനിലെ ബന്ധപ്പെടാം.