ഡബ്ലിനിലെ Ballyfermot-ല്‍ അജ്ഞാതരുടെ അക്രമത്തില്‍ ഒരാള്‍ക്ക് പരിക്ക്. തോക്കില്‍ നിന്നുള്ള വെടിയേറ്റാണ് ഇദ്ദേഹത്തിന് പരിക്ക് പറ്റിയതെന്ന് വിശ്വസിക്കുന്നതായി ഗാര്‍ഡ അറിയിച്ചു. ഗുരുതരമായി പരിക്കേറ്റ ഇദ്ദേഹം ആശുപത്രിയില്‍ ചികിത്സയിലാണ്.
Ballyfermot Crescent-ല്‍ ബുധനാഴ്ച വൈകിട്ട് 7.30-ഓടെയാണ് സംഭവം. വെടിയേറ്റ പോലെ തോന്നിക്കുന്ന ഒരുപിടി മുറിവുകളാണ് പരിക്കേറ്റയാളുടെ ശരീരത്തില്‍ കണ്ടെത്തിയത്.
സംഭവത്തില്‍ ആരെയും അറസ്റ്റ് ചെയ്തിട്ടില്ലെന്ന് പറഞ്ഞ ഗാര്‍ഡ ദൃക്‌സാക്ഷികളെ തേടുകയാണ്. Ballyfermot Crescent പ്രദേശത്ത് ബുധനാഴ്ച വൈകിട്ട് 7 മുതല്‍ 7.30 വരെ ഉണ്ടായിരുന്നവരോ, സംഭവത്തെപ്പറ്റി എന്തെങ്കിലും വിവരമുള്ളവരോ Ballyfermot on 01 666 7200, Garda Confidential Line on 1800 666 111 എന്നീ നമ്പറുകളിലോ, അടുത്തുള്ള ഏതെങ്കിലും ഗാര്‍ഡ സ്‌റ്റേഷനിലെ ബന്ധപ്പെടണമെന്ന് ഗാര്‍ഡ അറിയിച്ചു.
