Co Louth-വിലെ Dundalk-ല് വിറ്റ ജാക്ക്പോട്ട് ലോട്ടറി ടിക്കറ്റിന് 3.5 മില്യണ് യൂറോയുടെ സമ്മാനം. Newry Road-ലെ Arthur’s എന്ന ഷോപ്പിലാണ് വമ്പന് സമ്മാനത്തുകയുടെ ടിക്കറ്റ് വിറ്റത്.
കഴിഞ്ഞ 112 വര്ഷമായി ലോട്ടറി വില്പ്പന നടത്തുന്ന സ്ഥാപനമാണ് Arthur’s. നിലവില് കുടുംബത്തിലെ അഞ്ചാം തലമുറയിലെ Clodagh Arthur Duffy ആണ് കട നടത്തുന്നത്.
വാലന്റൈന്സ് ഡേയില് നറുക്കെടുത്ത ടിക്കറ്റ് ഫെബ്രുവരി 11-നാണ് ഇവിടെ നിന്നും വിറ്റുപോയത്. ഇതാദ്യമായല്ല ഇവിടെ വിറ്റ ലോട്ടോയ്ക്ക് സമ്മാനം ലഭിക്കുന്നത്. ഈയിടെ 75,000 യൂറോയുടെ ജേതാവും ഇവിടെ നിന്നാണ് ലോട്ടറി വാങ്ങിയത്.
ഫെബ്രുവരി 14-ന് നറുക്കെടുത്ത 1, 5, 10, 15, 44, 47 എന്ന ടിക്കറ്റിനാണ് 3,523,021 യൂറോ സമ്മാനം ലഭിച്ചത്. 45 ആണ് ബോണസ് നമ്പര്. അതേസമയം വിജയി ആരാണെന്ന് കണ്ടെത്തിയിട്ടില്ല. വാങ്ങിയ ആള്ക്ക് ടിക്കറ്റുമായി എത്താന് മൂന്ന് മാസത്തെ സമയമുണ്ട്.