Ireland

അയർലണ്ടിൽ വീണ്ടും Fine Gael- Fianna Fail സഖ്യസർക്കാർ വന്നേക്കാം: ലിയോ വരദ്കർ

അയര്‍ലണ്ടിലെ ലോക്കല്‍, യൂറോപ്യന്‍ തെരഞ്ഞെടടുപ്പ് ഫലങ്ങള്‍ പുറത്തുവന്നതിന് പിന്നാലെ വീണ്ടും സഖ്യകക്ഷി സര്‍ക്കാര്‍ അധികാരത്തില്‍ വന്നേക്കുമെന്ന സൂചനയുമായി മുന്‍ Fine Gael നേതാവും, മുന്‍ പ്രധാനമന്ത്രിയുമായിരുന്ന ലിയോ വരദ്കര്‍. കൗണ്‍സില്‍ തെരഞ്ഞെടുപ്പില്‍ സര്‍ക്കാര്‍ സഖ്യകക്ഷിയായ Fine Gael 245 സീറ്റുകള്‍ നേടിയപ്പോള്‍, മറ്റൊരു സഖ്യകക്ഷിയായ Fianna Fail 248 സീറ്റുകള്‍ നേടിയിരുന്നു. യൂറോപ്യന്‍ പാര്‍ലമെന്റിലും ഇരു പാര്‍ട്ടികളും നാല് വീതം സീറ്റുകള്‍ നേടി. പ്രധാനപ്രതിപക്ഷമായ Sinn Fein-ന് പ്രതീക്ഷിച്ചതിലും വളരെക്കുറഞ്ഞ് 102 സീറ്റുകളാണ് കൗണ്‍സില്‍ തെരഞ്ഞെടുപ്പില്‍ ലഭിച്ചത്. … Read more

ഐറിഷ് പ്രധാനമന്ത്രിയുടെ കുടുംബവീടിന് മുന്നിൽ മുഖംമൂടിധാരികളായ കുടിയേറ്റവിരുദ്ധരുടെ പ്രതിഷേധം

പ്രധാനമന്ത്രി സൈമണ്‍ ഹാരിസിന്റെ കുടുംബവീടിന് മുന്നില്‍ ഐറിഷ് പതാകയുമേന്തിയെത്തിയ മുഖംമൂടിധാരികളുടെ പ്രതിഷേധം. വെള്ളിയാഴ്ച രാത്രി 8 മണിയോടെയാണ് കൗണ്ടി വിക്ക്‌ലോയിലെ Greystones-ലുള്ള ഹാരിസിന്റെ കുടുംബവീടിന് മുന്നില്‍ പ്രതിഷേധവുമായി ഒരുകൂട്ടം മുഖംമൂടിധാരികളെത്തിയത്. അതിര്‍ത്തികള്‍ അടയ്ക്കുക, കുടിയേറ്റക്കാരെ കൂട്ടത്തോടെ തിരികെ അയയ്ക്കുക, അഭയാര്‍ത്ഥികളുപയോഗിച്ച ടെന്റുകള്‍ നീക്കം ചെയ്യുക എന്നിവ ആവശ്യപ്പെട്ടായിരുന്നു ഇവരുടെ പ്രതിഷേധം. സംഭവമറിഞ്ഞ് സ്ഥലത്തെത്തിയ ഗാര്‍ഡ സംഘത്തെ പിരിച്ചുവിട്ടു. അതേസമയം രാഷ്ട്രീയക്കാരുടെ വീടുകളും, കുടുംബങ്ങളും ലക്ഷ്യം വച്ചുള്ള പ്രതിഷേധം അവസാനിപ്പിക്കണമെന്ന് സൈമണ്‍ ഹാരിസ് നേരത്തെ അഭ്യര്‍ത്ഥിച്ചിരുന്നു. മെയ് മാസത്തില്‍ … Read more

ഇംഗ്ലീഷ് പരിജ്ഞാനമില്ലാത്ത സ്ത്രീയെ പീഡിപ്പിച്ചു; അയർലണ്ടിൽ 65-കാരന് ജയിൽ ശിക്ഷ

അയര്‍ലണ്ടിലേയ്ക്ക് കുടിയേറ്റം നടത്തി എത്തിയ ഇംഗ്ലിഷ് പരിജ്ഞാനമില്ലാത്ത സ്ത്രീയെ പീഡിപ്പിച്ച 65-കാരന് ജയില്‍ശിക്ഷ. താന്‍ താമസിച്ചുവന്ന വാടകവീട്ടില്‍ താമസിക്കാനെത്തിയ വിദേശ വനിതയെ ലൈംഗികമായി ഉപദ്രവിക്കുകയും, പീഡിപ്പിക്കുകയും ചെയ്ത കേസിലാണ് കുടിയേറ്റക്കാരനായ പ്രതിയെ സെന്‍ട്രല്‍ ക്രിമിനല്‍ കോടതി ശിക്ഷിച്ചത്. 2022 ഒക്ടോബര്‍ 19, 21 തീയതികളിലായാണ് സംഭവം നടന്നത്. ഇംഗ്ലിഷ് ഭാഷയറിയാത്ത സ്ത്രീ അയര്‍ലണ്ടില്‍ ജോലിക്കായാണ് എത്തിയത്. തുടര്‍ന്ന് ഒരു അപ്പാര്‍ട്ട്‌മെന്റില്‍ വാടകയ്ക്ക് താമസമാക്കി. ഇതേ അപ്പാര്‍ട്ട്‌മെന്റില്‍ താമസിച്ചുവന്നിരുന്ന പ്രതി ആദ്യം അവരെ ലൈംഗികമായി ഉപദ്രവിക്കുകയും, പിന്നീട് പീഡിപ്പിക്കുകയുമായിരുന്നു. … Read more

അയർലണ്ടിനായി രണ്ട് സ്വർണ്ണവും രണ്ട് വെള്ളിയും; യൂറോപ്യൻ ചാംപ്യൻഷിപ് വിജയികൾക്ക് സ്വീകരണം നൽകി പ്രധാനമന്ത്രി

യൂറോപ്യന്‍ അത്‌ലറ്റിക്‌സ് ചാംപ്യന്‍ഷിപ്പില്‍ അയര്‍ലണ്ടിനായി മെഡല്‍ നേടിയ പ്രതിഭകള്‍ക്ക് സ്വീകരണം നല്‍കി പ്രധാനമന്ത്രി. ജൂണ്‍ 7 മുതല്‍ 12 വരെ ഇറ്റലിയിലെ റോമില്‍ നടന്ന ചാംപ്യന്‍ഷിപ്പില്‍ രണ്ട് സ്വര്‍ണ്ണവും രണ്ട് വെള്ളിയും നേടി പത്താം സ്ഥാനത്തെത്തിയ രാജ്യം ചരിത്രത്തിലെ തന്നെ മികച്ച പ്രകടനമാണ് നടത്തിയത്. മെഡല്‍ നേടിയ താരങ്ങളായ Sharlene Mawdsley, Sophie Becker, Phil Healy, Lauren Cadden, Mark Smyth, Joseph Ojewumi, Hiko Tonosa എന്നിവരെയും, സപ്പോര്‍ട്ട് സ്റ്റാഫിനെയും സര്‍ക്കാര്‍ മന്ദിരത്തില്‍ നടന്ന … Read more

ക്ലെയറിലെ വീട്ടിൽ ചെറുപ്പക്കാരൻ മരിച്ചനിലയിൽ; അന്വേഷണമാരംഭിച്ച് ഗാർഡ

കൗണ്ടി ക്ലെയറിലെ വീട്ടില്‍ ചെറുപ്പക്കാരനെ മരിച്ചനിലയില്‍ കണ്ടെത്തിയ സംഭവത്തില്‍ അന്വേഷണമാരംഭിച്ച് ഗാര്‍ഡ. വ്യാഴാഴ്ച ഉച്ചയ്ക്ക് ശേഷമാണ് Ennis-ലെ Clare Road-ലുള്ള വീട്ടില്‍ എത്തിയ എമര്‍ജന്‍സി സര്‍വീസസ് സംഘം 30-ലേറെ പ്രായമുള്ള പുരുഷനെ മരിച്ചനിലയില്‍ കണ്ടെത്തിയത്. University Hospital Limerick-ലേയ്ക്ക് മാറ്റിയ മൃതദേഹത്തിന്റെ പോസ്റ്റ് മോര്‍ട്ടം നടത്തും. ഇതിന്റെ ഫലം വരുന്നതിനനുസരിച്ചാണ് അന്വേഷണം മുന്നോട്ട് പോകുക.

അയർലണ്ടിൽ യാത്രക്കാരായ സ്ത്രീകളെ പീഡിപ്പിച്ച ടാക്സി ഡ്രൈവർ കുറ്റക്കാരനെന്ന് കോടതി

കാറിലെ യാത്രക്കാരായ രണ്ട് സ്ത്രീകളെ പീഡിപ്പിച്ച ടാക്‌സി ഡ്രൈവര്‍ കുറ്റക്കാരനെന്ന് കോടതി. ഡബ്ലിന്‍ Clondalkin-ലെ Melrose Crescent-ല്‍ താമസിക്കുന്ന Raymond Shorten (50) ആണ് കുറ്റക്കാരനെന്ന് സെന്‍ട്രല്‍ ക്രിമിനല്‍ കോടതി കണ്ടെത്തിയിരിക്കുന്നത്. 2022-ല്‍ രണ്ട് തവണയായാണ് പ്രതി യാത്രക്കാരായ രണ്ട് സ്ത്രീകള്‍ക്കെതിരെ ലൈംഗികാതിക്രമം നടത്തിയത്. രാത്രിയില്‍ ഇയാളുടെ ടാക്‌സി വിളിച്ചവര്‍ക്കാണ് ദുരനുഭവമുണ്ടായത്. ഉഭയസമ്മതപ്രകാരമാണ് ബന്ധം ഉണ്ടായതെന്ന ഡ്രൈവറുടെ വാദം തെറ്റാണെന്ന് വിചാരണവേളയില്‍ തെളിഞ്ഞു. ജൂലൈ 1-നാണ് പ്രതിയായ Shorten-ന് ശിക്ഷ വിധിക്കുക.

അയർലണ്ടിലെ പണപ്പെരുപ്പം മാറ്റമില്ലാതെ തുടരുന്നു; പക്ഷെ ഗതാഗതച്ചെലവ് കുത്തനെ ഉയർന്നു

അയര്‍ലണ്ടിലെ വാര്‍ഷിക പണപ്പെരുപ്പം മാറ്റമില്ലാതെ തുടരുന്നു. സെന്‍ട്രല്‍ സ്റ്റാറ്റിസ്റ്റിക്‌സ് ഓഫിസിന്റെ (CSO) മെയ് മാസത്തെ റിപ്പോര്‍ട്ടില്‍ 2.6% ആണ് രാജ്യത്തെ പണപ്പെരുപ്പം. അതേസമയം ഒരു വര്‍ഷത്തിനിടെ ഏറ്റവുമധികം ചെലവ് വര്‍ദ്ധിച്ചത് ഗതാഗത മേഖലയിലാണെന്ന് റിപ്പോര്‍ട്ട് വ്യക്തമാക്കുന്നു. 6.7% ആണ് ഒരു വര്‍ഷത്തിനിടെയുള്ള ഗതാഗതച്ചെലവ് വര്‍ദ്ധന. റസ്റ്ററന്റ്, ഹോട്ടല്‍ മേഖലയാണ് പണപ്പെരുപ്പത്തിന്റെ കാര്യത്തില്‍ തൊട്ടുപിന്നില്‍ (4.7% വിലവര്‍ദ്ധന). പെട്രോള്‍, ഡീസല്‍ എന്നീ ഇന്ധനങ്ങളുടെ വിലവര്‍ദ്ധനയാണ് രാജ്യത്ത് ഗതാഗതച്ചെലവ് വര്‍ദ്ധിക്കാന്‍ കാരണമായിരിക്കുന്നത്. പെട്രോളിന് 14.5 ശതമാനവും, ഡീസലിന് 17.5 ശതമാനവുമാണ് … Read more

അയർലണ്ടിലെ ഇറച്ചിവെട്ട് കേന്ദ്രത്തിൽ കുതിരകൾക്ക് നേരെ നടക്കുന്നത് ഞെട്ടിക്കുന്ന ക്രൂരത; ദൃശ്യങ്ങൾ പുറത്ത്

അയര്‍ലണ്ടില്‍ കുതിരകളെ ഭക്ഷണത്തിനായി അറുക്കാന്‍ ലൈസന്‍സുള്ള ഏക ഇറച്ചിവെട്ട് കേന്ദ്രത്തില്‍ നടക്കുന്നത് ഞെട്ടിക്കുന്ന ക്രൂരത. കൗണ്ടി കില്‍ഡെയറിലെ Straffan-ല്‍ പ്രവര്‍ത്തിക്കുന്ന Shannonside Foods Ltd എന്ന സ്ഥാപനത്തില്‍, അറുക്കുന്നതിന് മുമ്പായി കുതിരകള്‍ നേരിടുന്ന ക്രൂരത RTE പുറത്തുവിട്ട ഡോക്യുമെന്ററിയിലൂടെയാണ് പുറംലോകമറിഞ്ഞത്. വിമര്‍ശനങ്ങളുയര്‍ന്നതോടെ നടപടിയുണ്ടാകുമെന്ന് വ്യക്തമാക്കി സര്‍ക്കാര്‍ രംഗത്തെത്തി. ഡോക്യുമെന്ററി പുറത്തുവന്നതിന് പിന്നാലെ യൂറോപ്യന്‍ യൂണിയന്‍ കമ്മിഷനും അന്വേഷണം പ്രഖ്യാപിച്ചിട്ടുണ്ട്. അയര്‍ലണ്ടിന് പുറമെ സ്‌പെയിന്‍, ഇറ്റലി എന്നിവിടങ്ങളിലെ കുതിര ഇറച്ചിവെട്ട് വ്യാപാരവും അന്വേഷിക്കും. അവിടെയും ഈ മേഖലയില്‍ അനധികൃതമായ … Read more

തെരഞ്ഞെടുപ്പ് പൂരം കൊടിയിറങ്ങി; അയർലണ്ടിലെ പുതിയ യൂറോപ്യൻ പാർലമെന്റ് അംഗങ്ങൾ ഇവർ

അയര്‍ലണ്ടില്‍ യൂറോപ്യന്‍ പാര്‍ലമെന്റ് പ്രതിനിധികള്‍ക്ക് വേണ്ടി നടന്ന തെരഞ്ഞെടുപ്പിലെ എല്ലാ സീറ്റുകളിലും വിജയികളായി. ഞായറാഴ്ച ആരംഭിച്ച വോട്ടെണ്ണലില്‍ ആകെയുള്ള 14 സീറ്റുകളിലെയും വിജയികളെയും അഞ്ച് ദിവസം നീണ്ടുനിന്ന എണ്ണലിലൂടെ തെരഞ്ഞെടുത്തു. ഇന്ന് പുലര്‍ച്ചെ 3.10-നാണ് അവസാന എംഇപിമാരെ തെരഞ്ഞെടുത്തുകൊണ്ടുള്ള വോട്ടെണ്ണല്‍ അവസാനിച്ചത്. തെരഞ്ഞെടുപ്പില്‍ ഭരണകക്ഷികളായ Fianna Fail, Fine Gael എന്നിവരുടെ നാല് വീതം സ്ഥാനാര്‍ത്ഥികള്‍ വിജയിച്ചപ്പോള്‍, പ്രധാന പ്രതിപക്ഷമായ Sinn Fein-ന്റെ രണ്ട് പേരാണ് യൂറോപ്യന്‍ പാര്‍ലമെന്റിലെത്തുക. ലേബര്‍ പാര്‍ട്ടി 1, സ്വതന്ത്രര്‍ 2, മറ്റുള്ളവര്‍ … Read more

ഫിൻഗ്ലാസ്സിൽ ചെടികൾക്കിടയിൽ ഒളിപ്പിച്ച തോക്ക് പിടികൂടി

ഡബ്ലിനിലെ ഫിന്‍ഗ്ലാസില്‍ ഒളിപ്പിച്ച നിലയില്‍ തോക്ക് പിടികൂടി. ചൊവ്വാഴ്ച രാത്രി പ്രദേശത്ത് ഗാര്‍ഡ നടത്തിയ പരിശോധനയില്‍ ചെടികള്‍ക്കിടയില്‍ ഒളിപ്പിച്ച നിലയിലാണ് റൈഫിള്‍ തോക്ക് കണ്ടെടുത്തത്. സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്. തെരുവുകള്‍ സുരക്ഷിതമാക്കുന്നതിന്റെ ഭാഗമായി ഗാര്‍ഡ നടത്തിയ റെയ്ഡിനെ അഭിനന്ദിക്കുന്നതായി ചീഫ് സൂപ്രണ്ട് Michael McNulty പറഞ്ഞു. പ്രദേശത്ത് ഗാര്‍ഡ സാന്നിദ്ധ്യം തുടരുമെന്നും, ജനങ്ങളുടെ സുരക്ഷ ഉറപ്പാക്കാന്‍ ഗാര്‍ഡ നടത്തിവരുന്ന ശ്രമങ്ങളുടെ തെളിവാണിതെന്നും McNulty കൂട്ടിച്ചേര്‍ത്തു.