ന്യൂ ഇയര് തലേന്ന് നറുക്കെടുത്ത മില്യണയര് റാഫിള് ലോട്ടറി ടിക്കറ്റിലെ ഒന്നാം സമ്മാനമായ 1 മില്യണ് യൂറോ Co Meath-ലെ Summerhill പ്രദേശത്ത് വിറ്റ ടിക്കറ്റിന്.
ഡിസംബര് 11-നാണ് Summerhill-ലെ Scally’s Centra ലോട്ടറി ഷോപ്പില് വച്ച് ടിക്കറ്റ് വിറ്റുപോയത്. 114263 എന്ന ഈ ഭാഗ്യ നമ്പറിനാണ് ഒന്നാം സമ്മാനം.
പുതുവര്ഷത്തിന് ഇതില്പരം മികച്ച തുടക്കം ലഭിക്കാനില്ലെന്നും, തന്റെ കടയില് ജോലി ചെയ്യുന്ന 32 പേരും ആവേശത്തിലായിരിക്കുമെന്നും ഷോപ്പ് ഉടമ Geoff Scally പറഞ്ഞു.
സമ്മാനം ലഭിച്ചയാള് ടിക്കറ്റുമായി പണം സ്വീകരിക്കാനെത്തണമെന്ന് നാഷണല് ലോട്ടറി അധികൃതര് അറിയിച്ചു.