രാജ്യത്ത് ഇന്നലെ രാത്രി നടന്ന EuroMillions Plus ലോട്ടറി നറുക്കെടുപ്പില്‍ 5 ലക്ഷം യൂറോ നേടി ഭാഗ്യശാലി. അഞ്ച് നമ്പറുകളും ഒത്തുവന്നതോടെയാണ് അര മില്യന്റെ സമ്മാനം ഇദ്ദേഹത്തിന് ലഭിച്ചത്.
സ്ലൈഗോയിലാണ് ഈ ടിക്കറ്റ് വിറ്റത്. 16, 27, 30, 31, 46 എന്നിവയാണ് വിജയ നമ്പറുകള്‍.
ഇതിന് പുറമെ നറുക്കെടുത്ത EuroMillions ജാക്ക്‌പോട്ടിലെ 130 മില്യണ്‍ സമ്മാനത്തുകയ്ക്കും വിജയിയുണ്ടായി. യു.കെയില്‍ വിറ്റ ടിക്കറ്റിലെ 3, 25, 38, 43, 49 എന്നീ നമ്പറുകളും, ലക്കി സ്റ്റാര്‍സ് ആയ 3, 7 എന്നീ നമ്പറുകളും ഒത്തുവന്നതോടെയാണ് വമ്പന്‍ തുക ഈ ഭാഗ്യശാലിക്ക് ലഭിച്ചത്.
അയര്‍ലണ്ടില്‍ കഴിഞ്ഞ മാസം National Lottery-യുടെ 19 മില്യണ്‍ യൂറോ ഒന്നാം സമ്മാനം നേടിയ ലോട്ടറി സമ്മാനത്തുകയില്‍ സര്‍വ്വകാല റെക്കോര്‍ഡ് ഇട്ടിരുന്നു. 60-ലേറെ തവണ നറുക്കെടുത്ത ശേഷമായിരുന്നു വിജയിയെ കണ്ടെത്തിയത്.
