രാജ്യത്ത് കൂടുതല്‍ ആണവനിലയങ്ങള്‍ സ്ഥാപിക്കുമെന്ന് കേന്ദ്ര സര്‍ക്കാര്‍
ന്യൂഡല്‍ഹി: ഉയര്‍ന്നുവരുന്ന ഊര്‍ജ്ജ ആവശ്യങ്ങള്‍ക്കായി രാജ്യത്ത് കൂടുതല്‍ ആണവനിലയങ്ങള്‍ സ്ഥാപിക്കുമെന്ന് കേന്ദ്ര സര്‍ക്കാര്‍. ബിഹാര്‍, യു.പി, പഞ്ചാബ് എന്നിവിടങ്ങളിലാകും നിലയങ്ങള്‍ വരികയെന്ന് കേന്ദ്ര സര്‍ക്കാര്‍ ലോക്‌സഭയില്‍ അറിയിച്ചു. രാജ്യത്തിന്റെ ആണവ ശേഷി പത്ത് വര്‍ഷത്തിനുള്ളില്‍ മൂന്നിരട്ടിയാക്കാനാണ് ലക്ഷ്യം. 4,780 മെഗാവാട്ടാണ് നിലവിലെ ശേഷി. ഇതിനെ 13,480 ആക്കി ഉയര്‍ത്തും. പഞ്ചാബിലെ പാട്യാല, ഉത്തരാഖണ്ഡിലെ ഡെറാഡൂണ്‍, ഉത്തര്‍പ്രദേശിലെ ബുലന്ദ്ശഹര്‍ എന്നിവിടങ്ങളിലാണ് ആണവനിലയങ്ങള്‍ സ്ഥാപിക്കാനായി തെരഞ്ഞടുത്ത സ്ഥലങ്ങള്‍ എന്നും കേന്ദ്ര മന്ത്രി ജിതേന്ദ്ര സിംഗ് ലോക്‌സഭയില്‍ പറഞ്ഞു.
