കൗണ്ടി ഡബ്ലിനിലെ Balinteer-ല്‍ വീടിന് തീപിടിച്ച സംഭവത്തില്‍ ഒരാള്‍ അറസ്റ്റില്‍. മാര്‍ച്ച് 20-ന് പുലര്‍ച്ചെ 1.30-ഓടെയായിരുന്നു പ്രദേശത്തെ ഒരു വീട്ടില്‍ തീപടരുകയും, ഗാര്‍ഡയും, ഫയര്‍ സര്‍വീസും സ്ഥലത്തെത്തി കാര്യങ്ങള്‍ നിയന്ത്രണവിധേയമാക്കുകയും ചെയ്തത്. തീപിടിത്തത്തില്‍ ആര്‍ക്കും പരിക്കേറ്റില്ലെങ്കിലും വീടിന് കാര്യമായ നാശനഷ്ടം ഉണ്ടായിരുന്നു. വീടിന് മുൻഭാഗത്ത് നിന്നായിരുന്നു തീപിടിത്തം ആരംഭിച്ചത്.
സംഭവത്തില്‍ അന്വേഷണം നടത്തിവന്ന ഗാര്‍ഡ ബുധനാഴ്ചയാണ് 40-ലേറെ പ്രായമുള്ള ഒരു പുരുഷനെ അറസ്റ്റ് ചെയ്തത്. ഒപ്പം രണ്ട് വാഹനങ്ങളും പിടിച്ചെടുത്തിട്ടുണ്ട്.
അറസ്റ്റിലായ ആളെ ഇന്ന് Dun Laoghaire ജില്ലാ കോടതിയില്‍ ഹാജരാക്കും.
