Main News Section

കോട്ടയം എം.ജി യൂണിവേഴ്‌സിറ്റി മുന്‍ രജിസ്ട്രാര്‍ ഡോ.ജോസ് ജെയിംസ് പന്നിവേലിന്റെ ഭാര്യയും ബി.സി.എം കോളേജ് കെമിസ്ട്രി വിഭാഗം റിട്ട.പ്രൊഫസറുമായ മെരി തോമസ് (ഓമന 64) നിര്യാതയായി. ലൂക്കന്‍ ക്ലൊണ്ടാല്‍ക്കിനിലെ ടോമിന്റെ സഹോദരിയാണ് പരേത. സംസ്‌കാരം ജൂലൈ 14 വ്യാഴാഴ്ച ഉച്ചകഴിഞ്ഞ് 3:30 ന് വസതിയില്‍ ആരംഭിച്ച് എസ്.എച്ച് മൗണ്ട് തിരുഹൃദയക്കുന്ന് പള്ളിയില്‍ . പരേത കോട്ടയം വാഴപ്പള്ളില്‍ കുടുംബാംഗമാണ്. ജെയിംസ് (അനീഷ്-ദുബായ്), തോമസ് (സിംഗപ്പൂര്‍) എന്നിവര്‍ മക്കളും റോഷ്മി (ദുബായ്) ജെസ്‌ന(സിംഗപ്പൂര്‍) എന്നിവര്‍ മരുമക്കളുമാണ്.

ഡബ്ലിന്‍: ഓണസദ്യ എന്ന് കേള്‍ക്കുമ്പോള്‍ അയര്‍ലണ്ട് മലയാളികളുടെ മനസില്‍ ഓടിയെത്തുന്ന 2 മുഖങ്ങളാണ് റോയല്‍ കാറ്ററേഴ്‌സിന്റെ അമരക്കാരായ അഭിലാഷ്, ഷാലറ്റ് എന്നിവരുടേത്. നാടന്‍ സദ്യ ഒരുക്കുന്നതില്‍ പ്രഗത്ഭരായ ഇവരുടെ കൈപ്പുണ്യം പോയ വര്‍ഷങ്ങളില്‍ അയര്‍ലണ്ടിലെ പ്രവാസി മലയാളികള്‍ അനുഭവിച്ചറിഞ്ഞതാണ്. ലോകത്തിന്റെ നാനാഭാഗത്തുള്ള മലയാളികള്‍കള്‍ ജാതിമത ഭേദമന്യേ ആഘോഷിക്കുന്ന വിളവെടുപ്പ് ഉത്സവമായ ഓണത്തിന് സ്വാദിഷ്ടവും പരമ്പരാഗതവുമായ രീതിയില്‍ 2 തരം പായസമുള്‍പ്പെടെ 24 ല്‍ പരം വിഭവങ്ങളുമായി അയര്‍ലണ്ട് മലയാളികള്‍ക്ക് ഓണസദ്യ ഒരുക്കുവാന്‍ റോയല്‍ കാറ്ററേഴ്‌സ് തയ്യാറായിക്കഴിഞ്ഞു. അയര്‍ലണ്ടിന്റെ … Read more

ബ്രെക്‌സിറ്റിനു ശേഷവും ചില കാര്യങ്ങളിലെങ്കിലും ബ്രിട്ടനുമായുള്ള നല്ല ബന്ധം തുടരാന്‍ അയര്‍ലന്റിനെ യൂറോപ്യന്‍ യൂണിയന്‍ അനുവദിക്കണമെന്ന് വിദേശകാര്യമന്ത്രി ചാര്‍ലി ഫ്‌ളനാഗന്‍. യൂണിയനിലെ മറ്റു രാജ്യങ്ങളെ പോലെയല്ല അയര്‍ലന്റിന് ബ്രിട്ടനോടുള്ള ബന്ധമെന്ന് യൂണിയന്‍ അംഗങ്ങള്‍ മനസ്സിലാക്കണമെന്ന് അദ്ദേഹം പറഞ്ഞു. ബ്രിട്ടന്‍ എന്തു തീരുമാനമെടുത്താലും അത് അയര്‍ലന്റിനെ ഒരു തരത്തിലും ബാധിക്കില്ലെന്നും ബ്രിട്ടന്‍ വിട്ടുപോകുകയാണെങ്കില്‍ വടക്കന്‍ അയര്‍ലന്റും സ്‌കോട്ട്‌ലന്റും ഉള്‍പ്പെടെയുള്ളവരുമായി ഐക്യനിര കെട്ടിപ്പടുത്ത് പുതിയ സാധ്യതകള്‍ പരമാവധി ഉപയോഗപ്പെടുത്തുമെന്നും പറഞ്ഞിരുന്ന അയര്‍ലന്റ് ഇപ്പോള്‍ വേര്‍പിരിയല്‍ ഉണ്ടാക്കാവുന്ന മുറിപ്പാടുകളെക്കുറിച്ചോര്‍ത്ത് വിഷമിക്കുന്ന അവസ്ഥയിലേക്കു … Read more

ഭവനമേഖലയിലെ പ്രതിസന്ധി അമ്പതു വര്‍ഷത്തിനിടയിലെ ഏറ്റവും രൂക്ഷമായ അവസ്ഥയിലേക്കു നീങ്ങവേ രാജ്യത്ത് വീടുകള്‍ കിട്ടാനില്ലാത്ത നിലയാകുന്നു. ഉള്ളവയുടെ വിലയും ക്രമാതീതമായി ഉയരുകയാണ്. ഇന്ത്യക്കാരടക്കമുള്ള സാമ്പത്തിക കുടിയേറ്റക്കാരാണ് ഇതിന്റെ നേരിട്ടുള്ള ഇരകളായി മാറുന്നത്. സര്‍ക്കാരിന്റെയും മതസ്ഥാപനങ്ങളുടേയും ഉള്‍പ്പെടെ കൈവശമുള്ള അധിക ഭൂമി വിനിയോഗിച്ച് പുതിയ വീടുകള്‍ നിര്‍മിക്കാനുള്ള എന്‍ഡാ കെന്നി സര്‍ക്കാരിന്റെ പുതിയ പദ്ധതിയിലാണ് ഇപ്പോള്‍ ഇന്ത്യന്‍ കുടിയേറ്റക്കാരടക്കമുള്ള കുടുംബങ്ങളുടെ പ്രതീക്ഷ. കഴിഞ്ഞ ഒരു വര്‍ഷത്തിനകം സെമി-ഡി വീടുകള്‍ക്ക് റോസ്‌കോമണില്‍ 14 ശതമാനവും ലാവോയിസില്‍ 8 ശതമാനവും കില്‍കെന്നിയില്‍ … Read more

രാജ്യത്തെ വിദ്യാര്‍ത്ഥികള്‍ക്ക് മികച്ച പഠനസൗകര്യം ഉറപ്പാക്കുന്നതിന് 20000 യൂറോ വരെ സര്‍ക്കാര്‍ വായ്പ നല്‍കുന്ന പുതിയ പദ്ധതിക്ക് തുടക്കമാവുന്നു. സ്റ്റഡി നൗ, പേ ലേറ്റര്‍ എന്നു പേരിട്ട പദ്ധതി പ്രകാരം വര്‍ഷം 5000 യൂറോ വരെ വായ്പ ലഭിക്കും. നിലവില്‍ ഇത് 3000 യൂറോ ആയിരുന്നു. പഠനം പൂര്‍ത്തിയായി 26000 യൂറോ എങ്കിലും വാര്‍ഷിക ശമ്പളമുള്ള ജോലി ലഭിച്ചതിനു ശേഷമേ വായ്പ തിരിച്ചടക്കേണ്ടതുള്ളൂ. റവന്യൂ അധികൃതര്‍ തന്നെ ശമ്പളത്തില്‍ നിന്ന് തുക തിരിച്ചുപിടിക്കും. രാജ്യത്തെ ഉന്നത വിദ്യാഭ്യാസ … Read more

എം 50 യിലെ ടോള്‍ അടക്കാത്ത വാഹനങ്ങള്‍ കോടതിയുടെ സഹായത്തോടെ പിടിച്ചെടുത്ത് ക്ലാമ്പ് ചെയ്യുന്നു. ചെറിയ ടോള്‍ കുടിശ്ശികയ്ക്കു പോലും കൂടിയ പിഴയാണ് ഈടാക്കുന്നത്. രാജ്യത്തെ സര്‍ക്കാര്‍ നിയന്ത്രണത്തിലുള്ള ടോള്‍ ഓപ്പറേറ്റിങ് വിഭാഗമായ ഇഫ്‌ളോയുടെ നേതൃത്വത്തിലാണ് നടപടി. ക്ലാമ്പ് ചെയ്യപ്പെടുന്ന വാഹനങ്ങളുടെ ഉടമകള്‍ക്ക് ജയില്‍ശിക്ഷ വരെ നല്‍കാന്‍ സാധ്യതയുള്ളതാണ്. ഒരു റേഞ്ച് റോവറും ബിഎംഡബ്ലിയു, ഓഡി, ബെന്‍സ് വിഭാഗത്തില്‍ പെടുന്ന ഏതാനും കാറുകളുമാണ് ഇതുവരെ ക്ലാമ്പ് ചെയ്യപ്പെട്ടിട്ടുള്ളത്. കഴിഞ്ഞവര്‍ഷം ഇഫ്‌ളോ സമാനമായ നടപടിയിലൂടെ 59 കാറുകള്‍ ക്ലാമ്പ് … Read more

കോര്‍ക്ക് സിറ്റി ഹാളില്‍ നടന്ന മള്‍ട്ടികള്‍ച്ചറല്‍ നൈറ്റില്‍ ഇന്ത്യയെ പ്രതിനിധാനം ചെയ്തു പങ്കെടുത്ത വേള്‍ഡ് മലയാളി കൗണ്‍സില്‍ കോര്‍ക്ക് യൂണിറ്റിലെ അംഗങ്ങള്‍ക്ക് അംഗീകാരം. ദിയ ഹാരി, സാറ ബിജു, സാന്ദ്ര ജാട്‌സണ്‍ എന്നിവര്‍ അവതരിപ്പിച്ച ബോളിവുഡ് ഡാന്‍സ്, ലേഖ മേനോന്റെ നൃത്തം എന്നിവ മികച്ച പരിപാടികളായി തെരഞ്ഞെടുക്കപ്പെട്ടു. 0.96 എഫ്എം പ്രതിനിധികളായ ബ്രെണ്ട, ബിബി ബാസ്‌കിന്‍, മെലാനി എന്നിവരായിരുന്നു മുഖ്യ വിധികര്‍ത്താക്കള്‍. കോര്‍ക്ക് സിറ്റി മേയര്‍ അധ്യക്ഷത വഹിച്ചു. പതിനാല് രാജ്യങ്ങളില്‍ നിന്നുള്ള പ്രതിനിധികള്‍ പങ്കെടുത്തു. _എസ്‌കെ_