Main News Section

ന്യൂഡല്‍ഹി: അരുവിക്കര ഉപതിരഞ്ഞെടുപ്പില്‍ പാര്‍ട്ടിയുടെ പ്രചാരണ തന്ത്രങ്ങള്‍ പാളിയെന്ന് സി.പി.എം കേന്ദ്രനേതൃത്വത്തിന്റെ വിലയിരുത്തല്‍. ഉപരിപ്ലവമായ കാര്യങ്ങളാണ് പ്രചാരണത്തില്‍ ഉന്നയിച്ചത്. സോളാറും സരിതയും വോട്ടായില്ല. ജനങ്ങളുടെ പ്രശ്‌നങ്ങള്‍ വിശദീകരിക്കുന്നതില്‍ വീഴ്ച സംഭവിച്ചു. യു.ഡി.എഫിനെ മാത്രം ഉന്നംവച്ചുള്ള പ്രചാരണവും പിഴച്ചു. ബി.ജെ.പിയെ കടന്നാക്രമിക്കാതിരുന്നതും വീഴ്ചയായി. ഇതുവഴി ഭരണവിരുദ്ധ വോട്ടുകള്‍ ചിതറിപ്പോകാന്‍ കാരണമായി. ബി.ജെ.പിയുടെ കടന്നുകയറ്റം കാണാതെ പോയി എന്നും നേതൃത്വം വിലയിരുത്തുന്നു. സി.പി.എം സംസ്ഥാന കമ്മിറ്റിയുടെ അവലോകന റിപ്പോര്‍ട്ട് കിട്ടിയ ശേഷമായിരിക്കും കേന്ദ്രനേതൃത്വം വിശദമായി തിരഞ്ഞെടുപ്പ് ഫലം വിലയിരുത്തലിലെത്തുക.

തിരുവനന്തപുരം: അരുവിക്കരയില്‍ പോള്‍ ചെയ്ത വോട്ടില്‍ 39.61 ശതമാനവും നേടിയാണ് യുഡിഎഫിന്റെ ഉഗ്രന്‍ വിജയം.എല്‍ഡിഎഫിന് നേടാനായത് 32.50 ശതമാനം വോട്ട്. ബിജെപി നേടിയത് 23.96 ശതമാനം വോട്ട്. യുഡിഎഫ് സ്ഥാനാര്‍ത്ഥി ശബരീനാഥ് അരുവിക്കരയില്‍ മുന്നണി പ്രതീക്ഷിച്ചതിനേക്കാള്‍ കൂടുതല്‍ ഭൂരിപക്ഷത്തോടെ വിജയിച്ചെങ്കിലും 2011ല്‍ സ്വന്തം പിതാവ് നേടിയ ഭൂരിപക്ഷമോ വോട്ടുവിഹിതമോ ഉറപ്പിക്കാനായില്ല. 2011ല്‍ ഇടതുമുന്നണി സ്ഥാനാര്‍ത്ഥിയായ അമ്പലത്തറ ശ്രീധരന്‍ നായരെ 10,674 വോട്ടിന്റെ ഭൂരിപക്ഷത്തിന് തോല്‍പ്പിച്ച ജി.കാര്‍ത്തികേയന്‍ നേടിയത് 48.78 ശതമാനം വോട്ടാണ്. ശബരീനാഥന് 39.61 ശതമാനം വോട്ടേ … Read more

തിരുവനന്തപുരം: അരുവിക്കര തെരഞ്ഞെടുപ്പ് ഭരണത്തിന്റെ വിലയിരുത്തലാണെന്നു മുഖ്യമന്ത്രി ഉമ്മന്‍ ചാണ്ടി. യുഡിഎഫിന്റെ ഒറ്റക്കെട്ടായ പ്രവര്‍ത്തനമാണു വിജയത്തിനു പിന്നിലെന്നും അദ്ദേഹം പറഞ്ഞു. അരുവിക്കരയില്‍ യുഡിഎഫിന്റെ മുഴുവന്‍ നേതാക്കളും ഒന്നിച്ച് അണിനിരന്നു. യോജിച്ച പ്രവര്‍ത്തനത്തിനു കിട്ടിയ അംഗീകാരമാണിത്. എണ്ണയിട്ട യന്ത്രംപോലെ യുഡിഎഫ് നേതാക്കള്‍ പ്രവര്‍ത്തിച്ചു. കെപിസിസി പ്രസിഡന്റ് വി.എം. സുധീരന്റെ നേതൃത്വത്തില്‍ കോണ്‍ഗ്രസ് മെഷീനറിയും ശക്തമായി പ്രവര്‍ത്തിച്ചു. തെരഞ്ഞെടുപ്പു ഫലം സര്‍ക്കാറിന്റെ വിലയിരുത്തലായിരിക്കുമെന്നു പറഞ്ഞിരുന്നു. ചെറിയ ഭൂരിപക്ഷത്തിനാണ് ഈ സര്‍ക്കാര്‍ ഭരണം തുടങ്ങിയതെങ്കിലും അതു ഭരണത്തെ ബാധിക്കാതെതന്നെയാണു മുന്നോട്ടുപോയത്. ജനങ്ങളുടെ … Read more

തിരുവനന്തപുരം: അരുവിക്കരയിലെ തോല്‍വി മാര്‍ക്‌സിസ്റ്റ് പാര്‍ട്ടിയുടെ രാഷ്ട്രീയ വനവാസത്തിന്റെ സൂചനയാണെന്ന് എ.കെ. ആന്റണി. സിപിഎമ്മിന്റെ അടിത്തറ വേഗത്തില്‍ ചോര്‍ന്നുപോവുകയാണെന്നും അദ്ദേഹം പറഞ്ഞു. തെറ്റുതിരുത്തി നിലപാട് മാറ്റി ശൈലി മാറ്റി മുന്നോട്ടുപോയാലും ഇനി കുറേ തെരഞ്ഞെടുപ്പുകളില്‍ സിപിഎം കരകയറാന്‍ പോകുന്നില്ലെന്ന് ആന്റണി പറഞ്ഞു. പാഠംപഠിക്കാതെ ഇപ്പോഴും ചെയ്തുകൊണ്ടിരിക്കുന്ന അക്രമ പ്രവര്‍ത്തനങ്ങള്‍ക്കും ജനങ്ങള്‍ക്കു സ്വീകാര്യമല്ലാത്ത നടപടികള്‍ ചെയ്യുന്നതിന്റെയും ശിക്ഷയെന്ന നിലയില്‍ കേരളത്തിലെ മാര്‍ക്‌സിസ്റ്റ് പാര്‍ട്ടി രാഷ്ട്രീയ വനവാസത്തിലേക്കു പോകുന്നതിന്റെ സൂചനകൂടിയാണ് ഈ തെരഞ്ഞെടുപ്പ്. ജനങ്ങള്‍ക്ക് പഴയ നിലപാടല്ല. പഴയ കേരളമല്ല … Read more