യൂറോപ്പിലെ പ്രമുഖ ടാക്‌സി ബുക്കിങ് ആപ്പായ FreeNow-നെ ഏറ്റെടുക്കാന്‍ അമേരിക്കന്‍ ടാക്‌സി കമ്പനിയായ Lyft. 175 മില്യണ്‍ യൂറോയ്ക്കാണ് ഏറ്റെടുക്കല്‍. 2025 പകുതിയോടെ ഏറ്റെടുക്കല്‍ നടപടികള്‍ പൂര്‍ത്തിയായി യൂറോപ്പിലെങ്ങും പ്രവര്‍ത്തനം വ്യാപിപ്പിക്കാനാണ് നീക്കം.
2009-ല്‍ myTaxi എന്ന പേരില്‍ ജര്‍മ്മനിയിലെ ഹാംബര്‍ഗിലാണ് FreeNow ആരംഭിച്ചത്. 2019 മുതല്‍ കാര്‍ നിര്‍മ്മാണ വമ്പന്‍മാരായ ബിഎംഡബ്ല്യുവും, മെഴ്‌സിഡസ് ബെന്‍സും ആണ് FreeNow-ന്റെ ഉടമസ്ഥര്‍. അയര്‍ലണ്ട് അടക്കം യൂറോപ്പിലെ ഒമ്പത് രാജ്യങ്ങളിലെ 150-ലധികം നഗരങ്ങളില്‍ FreeNow-വിന്റെ സേവനം ലഭ്യമാണ്.
FreeNow-നെ ഏറ്റെടുത്തുകൊണ്ട് Lyft കൂടി യൂറോപ്യന്‍ വിപണിയിലേയ്ക്ക് എത്തുമ്പോള്‍ മറ്റ് ടാക്‌സി ആപ്പുകളായ Uber, Bolt, Gett എന്നിവരെല്ലാം കടുത്ത മത്സരം ന്നെ നേരിടേണ്ടിവരും.
